يسعد مساكم صبايا
تم بحمدلله عمل اشعه الصبغه كانت تجربهه قاسيه نوعاً ما
واكيد تبون نعرفون ليش وايش اللي خلاني اقول هالكلام
انا اليوم اللي كان موعد الصبغه فيه طبعاً ماجاني نوم جلست اصلي الوتر واقراء الأذكار وكنت ادعي ربي ان يمنح لي الأطمئنان والتوفيق
طبعاً لما صليت الفجر وراحت بنتي للمدرسه بغيت انام ماقدرت وطبعاَ قلت ماراح انام لين يقرب موعدي وكان الساعه عشر
لما رحت غرفه الأشعه كانت موجوده نيرس مصريه تجهز الأغراض وشفتهم ويليتني ماشفت وجلست استغفر واقول بيني وبين نفسي عادي عادي سألتها بحس بألم باللي راح يدخل فيني قالت راح اعطيك مسكن هنا حسيت ان الوضع موهين
جلست اقرا قراءن وحسيت اني حطيت نفسي بالأمر الواقع
المهم جات الدكتوره ودخلت الحديده اللي بتوسع الرحم وهاذي سبق وجربتهابعياده النساء لاكن الداهيه اني شفت شئ طويل وزي الحديد ودخلته بعنق الرحم هنا صرخت صرخه جامده بس تذكرت انكم قلتو زي الم الدوره جامد وبيروح لاكن اللي ذبحني انها طلعتها وقالت كبير عطيني حجم اصغر قلت حسبي الله ليش مش من البدايه عرفت رغم انها طول الوقت تقرا وتسمي وحبوبه وفعلا المهم قلت لها خلاص قالت لي ايوا باقي بس نحقن الصبغه وننتظر الدكتوره بعد خمس دقايق شرفت ولما قامت تحقن حسيت بألم زي الدوره بس معاه حراره وجامد كثير صرخت لدرجه اني اتوقع السيب تبع المستشفى سمعني والمشكله حقنت الصبغه 3 مرات وكل مره صرت اتشههد واستغفر واقول ماعليه اخذ نفس واكون قويه
بعدها قالت خلصنا وشالت الأمور هاذي ونزل معاي دم وقطع
وقالوا لي ارتاحي عشر دقايق وبعدها قومي
وطبعا ماشفتهم ولأدري بالنتيجه
ولما جا امس اختها وديتها لدكتورتي قالت الحمدلله الأنابيب سليمه لما قالت لي حسيت انو نص الهم راح مني وكأنها قالت لي انتي حامل وقلت الحمدلله ربي مايخيب عباده
بس اللي قهرني بالدكتوره تقولي طالما الأنابيب سليمه وفيك تكيس بالمبيض المنشطات ماتنفع راح تزيد التكيسات اعملي طفل انابيب
مادري ليه مصره على الأنابيب مع اني لسى لي 8 اشهر من بغيت احمل فقلت لها بخليها على الله وببتدي باشياء طبيعيه والله ان اراد شئ وقال له كن فسيكون
بنلت ايش تنصحوني مع التكيسات وبخصوص هرمون الحليب عندي 36 وعطتني حبوب ناس يقولون المفروض ماتقطعينها وهي كتبتها لي مررره هل فعلاً كلامها صحيح ؟
اسفه جدًا جداً على الأطاله بس مادري ليه حاسه نفسي كأني احكي لخواتي
والله يرزقني ويرزق الجميع بالذريه الصالحه يارب
11-28-2013, 04:34 PM
إليكم تجربتي مع أشعه الصبغه !
بنت الجوري 
جديد منتدى منتدى علاج العقم و تأخر الحمل
العرض الشجري
