اطباع ابني السيئة تعبتني

[أم ولودي]

السلام عليكم بنات أنا عندي ولد عمره 11شهر اطباعه جدا قبيحه دائم الصراخ والبكا وحتى لما يكون نايم ويبغى رضاعه على طول صراخ فظيع لدرجة أني أقوم منخرعه مره وهو مستمر بالصراخ الشديد جداً ولما نلبسه برضوا صراخ شديد ورفض. تام لدرجة يبكي ويغشى (في ناس تسمي الغشوه هذي فحطه او شي زي كدا ) ولما يكون يلعب بشي خطر وناخذه منه او حتى لعبه ما ترضى تنفتح معه او اي شي يعصبه بسرعته يبكى بقوه لحد ما يغشى من البكا بعدين يغمى عليه تخيلو موقفي ساعتها أنا جداً تعبانه معاه وديته الدكتور قال شي طبيعي وعادي وحتى الأغماء عادي مدري وش أسوي بصراحته الي مر عليها طفل كذا تفيدني مع العلم أني دائمة الأذكار عليه صباح ومساء

[dr.loly]

كثير تحصل عند الرضع يا اختي كثير شفت ناس يشتكون من هالعادات
وخصيصا خصيصا لو كان بكـر مايلقى طفل قبله وبعد ما يبدا يتعرف ع الاشياء من حوله و ويعرف الوجوه
ويعرف انه مدلل مثلا يلجأ للصراخ او البكا ظنآ منهم انهم عندما يبكون يحصلوون ع مايريدون يا روووحي عليهم

أهم شئ طولي بالك عليه حاولي تتكلمي معه بكل هدوء
ودائكآ ارقيه خصيصا بعد صلاة الفجر والعصر وربي يحفظه

[أم ولودي]

شكرا حبيبتي ام فرأس أنا دائماً احصنه وهو مش البكر عندي اخوه عمره ٥سنين الله يحفظهم يارب بس من جد متعب

[عيش الحياة]

اختي عادي وخليكي صبورة معاه لاتزيدي عليه بالصراخ وحاولي محد يعاندو عشان مايزيد الطبع المدارة معاها افضل شي لما يكبر ويفهم تتقدري تتفاهمي معاه
ولما يصرخ حسسي انو الوضع عادي واتصرفي بكل هدوؤ

ولدي كان كدا مرة اخاف واحيانا ما اعرف ايش اسوي وحتى كان يرمي نفسو بالارض وعادي لو انضرب راسو ما كان يهمو ابدا وحتى لما نخرج كان مرة اتفشل
اصبري عليه وكوني هاديه وصبورة جدا وقت الصراخ

[أم ولودي]

تسلمين حبيبتي عيش الله يسعدك