بكرية مجهضة تحتاج لنصائح المجهضات هل لابد من التنظيف او لا

[أم تميم1]

السلام عليكم ورحمة الله وبركاته
انا لله وانا اليه راجعون اللهم اجرني بمصيبتي واخلفني خيرا منها
اخواتي المجهضات انا بكرية وتم توقف نمو الجنين وعدم نبض القلب
وحاليا انا بالاسبوع العاشر الدكتورة تقول ماتحتاجي عمليه بس حبه تنزله لان الجنين صغير متوقف من الاسبوع السادس
واستشرت دكتور قال لا لازم عمليه علشان مايحصل لك نزيف وتاخذي بعدها ابره اختلاف الفصائل
وقال تبين تخليه لوحده ينزل براحتك لكن راح يصير لك نزيف


تكفون محتاره مااعرف وش اللي يناسبني واسلم لحالتي ولصحتي ولرحمي
وهل عمليةرالتنظيف تؤلم وهل منها اثار جانبيه واضرار او انها افضل لضمان نظافة الرحم
من خلال تحاربكن يالمجهضات انصحوني
مع العلم مابعد نزل الدم لانه الجنين متوفي وقال الدكتور هذا اسمه اجهاض منسي*

[ديسمبرية]

وعليكم السلام
الله يعوض عليك
أنا أجهضت على شهرين نزل بعد الأعشاب اللي أخذتها للتنزيل جاني طلق شديد لفترة قصيرة ونزل الحمدلله وأنا زيك بكرية وكان معي نزيف بعده أخذت سونار وأعطاني حبوب عشان ينظف الرحم
أختي نفس وضعك بكرية كمان والجنين توفى عمره 14 أسبوع وما كانت تنزف خذت أعشاب وما نزل معها
راحت المستشفى خذت تحاميل وجلست يوم كامل تطلق تعبت حيل المسكينة والأخير نزل وعملوا لها تنظيف
التنظيف مع البنج ما تحس بألم بس دكتورها رفض يسوي لها تنظيف قبل ينزل الجنين عن طريق التحاميل

[أم تااالين]

الله يعوضككككك حبيبتي

استخدمي عشبة المدينه ممتازة في التنظيف وقشر القهوة وزنجبيل وقرفه
الاعشاب تنظف الرحم وبعدها روحي اكشفي شوفي اذا نزل او لاااا
والعمليه ماانصح بهااا سمعت انها تأخر الحمل ولها مشاكل ثانيه

[أسيرة زوجي]

اتبعي نصائح الدكتور الاول و ما تستخدمي التنظيف

لانه الجنين صغير و ما يحتاج

الله يعوضك بالحمل السليم

[ام وليد2005]

الله يعوضك بالحمل السليم

[fo0fo0]

الله يعوووضك. ،،


أنا أجهضت قبل وعدواني تحاميل تعبت شوي
وصرت اشرب قرفه وقشر قهوه والحمد لله نزل ،،

أنصحك ابعدي عن التنظيف الجنين توه صغير وبينزل لوحده. ،،

وإذا متر ده روحي لدكتور غيرهم وشوقي وش بيقول

[عشرينية]

حبيبتي احيانا الجنين صغير وماينزل
انا اجهضت من سنة تقريبا وكان عمره 8 اسابيع مابقيت شي الا وشربته لمدة اسبوعين
بس مافي فايدة
وفي الاخير رحت المستشفى عطوني تحاميل عشان ينزل ومانزل اخر شي سويت عملية تنظيف
العملية سهلة ومامنها خوف وبعدها عطوني ابرة فصايل دم
حبيبتي لاتخافي والعملية مافي اسهل منهاربع ساعة تخدير تقومي الا وانت مخلصة من الحالة اللي انت فيها
والاطباء ما يلجؤوا للعملية الا كحل اخير
توكلي على الله

[Um Ghala]

الله يأجرج حبيبتي و يعوضج ان شاء الله .. =(

[ديسمبرية]

شايله همك أختي يمكن عشان بكرية نفس تجربتي طمنينا عليك أيش صار معك

[أم تميم1]

مشكورات اخواتي على نصائحكم
ديسمبرية ياقلبي توي طالعه من المستشفى لي يومين منومه
ماسمعت كلام الدكتور وطلع كلامه صح قبل يومين جاني مغص كل عشر وخمس دقايق ويروح ويرجع رحت بحثت عنه وشكله طلق
المهم كان قلبي يقولي هذه اعراض الطلق من الصبح معي المغص الى العصر لما وبعدها بدا النزيف
لما شفته قلت الحمد لله نزل لوحده لكان كان الدم مررره كثير استغربت ماقدرت احتمل كل اقل من خمس دقايق ادخل الحمام
عالبالي كذا الاجهاض لكن لما شفته زاد قلت هذا نزيف عالطول رحت عالطوارئ لكن من قوة النزيف جاني هبوط واغمى علي بالسيارة
وكنت اقول لاختي راح يغمى علي عطوني عصير علشان هبوط الضغط المهم صحيت من الاغماء ولما دخلت المستشفى عطوني مغذي وسووا سونار لقوا الرحم نظيف بس فيه دم متجمع قال الدكتور ماتحتاجي تنظيف لكن لما شاف الدم مارضى يوقف قال خلاص تدخلي تنظيف علشان يوقف النزيف دخلت والحمد لله بعدها ارتحت لكن صار فيني هبوط بالضغط بسبب النزيف وصاروا كل نص ساعه يقيسوا ضغطي ودرجة حرارتي ودقات القلب واعطوني ابرة الفصائل وابر مسكنة بس كانوا خايفين من النزيف اللي نزفته لانه اثر على صحتي وصار هبوط وبعد العمليه لما وقفت بعد ساعتين اغمى علي مارضوا يطلعوني حتى يتطمنوا وسووا تخطيط قلب لقوا ضربات القلب ضعيفة بسبب النزيف ورجعوا عطوني محلول الحديد علشان اعوض الدم اللي فقدته وتقوا ضربات القلب بعدها الحمدلله تحسنت وكتب لي ربي حياة الحمد لله كان صعب اللي مريت فيه واعطوني فتيامينات حديد استخدمها شهرين
ونصيحة لكل بكرية لاننا ماندري عن صحتنا هل تتحمل الاجهاض او لا وماقد حملت من قبل فلايمكن نحدد اللي راح يصير فكل من يتوفى جنينها تسوي تنظيف عالطول
وربي يعوضنا أخير وأصلح مما فقدناه
الحمد لله يابنات نعمة العافية عظيمة ربي لايحرمني ولايحرمكم منها ويديمها علينا ويشفينا مما كل مايصيبنا *