من الغلطان انا ولا زوجي

[shmooe]

السلام عليكم ..

اخواتي ...بغيت استشيركم .. ماعندي احد اقدر استشيرة

ماباقي على العيد الا يوم .. وانا الحين ببيت اهلي .. بس الى الآن ما قضيت ولا شي ..

جلست ببيت اهلي 3 شهور بسبب الوحام وصرف لي زوجي اول شهر

300 ريال كمصروف .. مع انها ما كفتني خلال الشهر لاني رحت على مستشفى خاص .. مرتين .. بعدين قالي ما عنده حق مستشفيات خاصة .. وقالي هو مش مسؤال عن روحاتي للمستشفى الخاص .

الشهر الي بعده قلت له زيد لي المصروف اعطاني 500 منها سديت دين علي من روحتي الشهر الي فات على المستشفى ومنها مصروف لباقي الشهر ..

والحين جاء العيد .. وجلست انتظر .. المبلغ الي بيعطيني اياه حق العيد .. لما كلمته قالي ان 500 حقت الشهر الي فات هي مصروفي وهي مبلغ العيد ..
وان ما يحتاج اشتري شي هالعيد ..

انا صار لي 8 شهور متزوجه .. ومره ماسكه نفسي عن المصاريف بالرغم من الغربة مراعاة لظروفة .. ما حبيت اكون من النوع الي تجرجر زوجها على الاسواق كل شهر .. يعني يادوب اغراض البيت ..

وضنيت ان في العيدين ان شاء الله بيكفوني .. تقضي فيهم ..

بس هو غير كلامه وقال لي اخر 500 كانت مصروف ومبلغ للعيد ..
احس نفسي سخيفه وانا جالسة افصل لكم .. ايش قال وايش قلت .. بس الموضوع كبر .. وتبلاني بقولة اني ما اراعي ضروفة .. وقال يمكن جلستي ببيت اهلي اريح لي وله .. وانه يمكن ما يضن انه بيقدر يستحملني زيادة ..
وجاء واعطاني 500 زيادة ..

انا مره متضايقة .. ومن امس ابكي مو على الفلوس وعلى كسوة العيد .. ابكي لاني ما صرت احس بأمان معاه .. واني مهما سويت
وضحيت عشانه .. مراح يفهمني ولا يراعيني ..
احتجته وقت مرضي وحملي .. وما لقيته جنبي .. لا معنويا ولا ماديا ..