فسرولي حالتي .. الفحص سلبي

[حرم مروان]

السلام عليكم ورحمة الله وبركاته

مرحبا خواتي .. أنا جديدة بالتسجيل لكن قديمة في المتابعة
واستفدت منكم وايد .. جزاكم الله خير
سجلت اليوم لأستفسر عن حالتي لأني مستغربه منها ..

بنات أنا لي متزوجة 5 شهور ولله الحمد ..
دوري منتظمة الحمد لله لكن قبل الزواج تأخرت علي أسبوع أتوقع من رهبة الزواج وما إلى ذلك وكنا بنسافر العمرة بعد الزواج فاضطريت آخذ حبوب منع الحيض لين رجعت من السفر وتركتها وجتني طبيعي عادي ..

ودورتي تقريبا كل 30 يوم وتتأخر أو تتقدم حد أقصى يومين .. أعتقد هذا طبيعي صحيح؟

اللي صار الشهر اللي فات إنها تأخرت علي 13 يوم والفحوصات كلها سلبية .. وماكنت أحس إني حامل أصلا .. وقالت الدكتورة أراجعها عشان تنزل دورتي لكن هي بنفسها بعدين نزلت قبل ما أراجع ..

الشهر هذا بعد ما كملت 30 يوم .. في يوم الدورة شفت دم لونه أحمر خفييييف جدا .. تاريخ 8 ميلادي يعني قبل يومين .. وفقط مرة أو مرتين شفت وكان مع افرازات بيضاء .. ولليوم مافي شي خلاص
سويت تحليل منزلي كلير بلو عطاني سالب .. فمادري بنات الدم دم دورة أو شو؟
واليوم لها يومين متأخرة لكن للآن التأخير طبيعي أعتقد ..

أنا احترت .. هل هذا بداية لخبطة دورة وعلي أراجع الدكتورة انها تضبط لي ؟ أو في احتمال يكون حمل وأنتظر؟
أخاف دورتي بدت تتلخبط وتمنع الحمل ..

بانتظاركم .. لا تبخلون علي خواتي ..