معاناتي مع تاخر الحمل

[العبده الفقيرة]

السلام عليكم و رحمة الله
اللهم صل و سلم و بارك على حبيبنا محمد

كيفكم يا احلى بنات انا اول مرة بشارك بالمنتدى بصراحة انا كتير متدايقة و حابه احكي و حدا يسمعني و يجاوبني و يفهمني انا قصتي اني متجوزة صرلي سنة و نص بعد ما تزوجت ما اجتني الدورة شهرين بصراحة ما حسيت اي شي الا انو صدري كان يوجعني ما حسيت اني حامل بس زوجي قلي روحي افحصي فحصت و طلعت حامل بس هرمون الحمل كان كتير قليل و ما ثبت و نزل الحمل الله يعوضني خيرا منه بعد ما نزل بالاسبوع الثامن من حملي في المستشفى ما اجتني الدورة لمدة شهر فحصتني الدكتورة و قالت ما في شي خلي جسمك يرتاح و استنيت و ما اجت الدوره رحت عند دكتوره تانية و اكتشفت انو عندي تكيس بالمبايض اتدمرت نفسيا اعطوني جلوكوفاج و ما فاد بشي انا صغيرة عمري 18 سنة ما بقدر احكي غير لا حول ولا قوة الا بالله هااد الشهر الدكتور اعطاني كلوميد و تابعلي الاباضه و قلي حجمهم منيح و اعطاني ابرة تفجير بس ضايل على الفحص 5 ايام بس انا مو حاسه اي شي و حاسه اني مو حامل مش حابه احلل و اطلع مو حامل والله اني عم بكتب و انا ببكي انا بحزن على زوجي شو ذنبه هلمسكين وين ما اروح كل ماكان بنات حوامل كل العيله عندها اطفال الا انا يا رب ساعدني انا بحب زوجي كتير و بخاف اخسره انا اسفه اذا طولت عليكم سامحوني و ادعولي انو الله يرزقني الذرية الصالحة المعافاة الله يرزقني و يرزقكم يا رب