معاناتي لم اجد لها حل هل هو /تصلب لويحي/عين/سحر/فيتامين دال.. ساعدوني

[روح الأخوه]

السلام عليكم
اخواتي الغاليات بحكي لكم معاناتي لعل وعسى أجد عـــلاج شافي لمعاناتي الشديده
وٲرجو أن لاتنسوونني من صــــااادق الدعاااء بالشفاء والعافيه وارجع لبيتي وبنتي يـــاررب


بشهر 5الماضي باليوم الرابع من استخدامي(جو سبرين)كان عندي الصفائح الدمويه عاليه والدم ناقصص فاستخدمته ع هذا الاساس المهم باليوم الرابع لما انسدحت لفت الغرفه بشكل سريع دووخه فضضضيعه وانادي زوجي وانا ارتجف والله جسمي يلف من قوة الدوخه ولساني صار ابيض وضيق تنفس وركض عالطوارئ واعطيتهم الادويه اللي استخدمها قالو جوسبرين مايصلح لك مايناسبك ليش تستخدمينه خفت وتركت الادويه كلها ... بعدها راحت الدوخه اسبوع وبعد اسبوع بدٲت المعاناه الشديييييده عــدم توااازن دوخه غثيان ضيق كآبه بكاء حزن نظره سوداويه للحياه من شهر 5الى اليـــوم وانا اعاااني ومعاناتي بازدياد تطورت حالتي وصار عندي خوف شديد من الجلوس وحدي بمكان مافيه رجـــال مه سياره مشان لتعبت يوديني عالمستشفى تركت بيتي من 6شهور كل مستشفى ومستوصف خاص وحكومي دخلته تشخيصهم فقر دم فقر دم فقر دم تعذبت مستحيل منه رحت رقــاة قالو عين قويه صحيح وقت القرايه احس بشي يمشي براسي واحس تعبي كله براسي رحت طب شعبي الحكايه خوا جربت كل الادويه مافـــاد سويت حجامه زاد التعب والخـــوف بشكل فضيع .. رحت مركز مطمئنه للطب النفسي تشخيصهم اكتئاب بسيط عطوني سيبراليكس رميته بالزباله لان ادويتهم تسبب ادمان تشفي سنه سنتين ثم يرجع لها الشخص .. رحت مختبر الابراج تحاليلي سليمه بس فيتاميــن دال عندي 6 ....توتي نن اسبوع اخذت فيتامين. D3كبسوله كل اسبوع مااحس بانتفاع رحت جيوب انفيه قالو تضخم بالجيوب سويت اشعه مقطعيه قالو التضخم بسيط جدآ اعطوني بخاخ افوكوم من 3ايام استخدمته وكل يوم اروح اخذ اكسجين بسببهوقت ماانسدح احس نفسي ينقطع انكتم جسمي يصير خفيف والم باعلى راسي ومن الانف لاعلى الرٲس كانه شي ساخن حار تعذبت لي 3ايام مااعرف النوم غير ساعه مقطعه والله تععبت يابناااات مين مرت بهالحاله وتشافت وش العله بالضبط والحين انتظر اشعة رنين وانا حييييل خايفه منهااااا ماتحمل الاصوات العاليه اذاني توجعني وماحب اانسدح الا وانا رافعه راسي قوه عشان الدوخه مدري كيف بسوي الاشعه شايله هم. شايله هم الدوخه الكتمه الضيق يانــــــــاس كرهت حياتي كله حبيسة البيت والفراش مهمله نفسي وبنتي وبيتي حييييل اعاااني وقريبتي نفس معاناتي بالضبط مالقينا حل .... ساعدوووووني تتكفووووووون عالاقــــل دعـــــوة صااادقه كل ماتذكرتوووني واللي يعرف راقي يقرٲ لوجه الله بالقصيـــــــــــــم رقيه خاصه يدلني ربي يكتب اجركم ويسعدكم فرجو كربتي