بيوقف قلبي .. رجّالين يجوني على هيئة زوجي !

[79ooni]

*




السلام عليكم ورحمة الله وبركاته ..
أتمنى تكونون بخير جميعاً ..

بنات بدخل بمشكلتي من غير مقدمات /
لي شهرين تقريباً صار وقت دوامي بعد بداية دوام زوجي بساعتين، قبل كان زوجي يودّيني بيت أهلي لين يجي وقت دوامي، لكن صار يتأخر وحرام رحمته مسكين فـ قلت له بجلس بالشقة أفضل ..
فـ صرت أجلس في بيتي لين يجي ياخذني قبل دوامي بربع ساعة، المهم إني بهالفترة ذي مرات أجلس أكمل شغل المطبخ أو أي غرفة من الغرف، ومرات أكون ما نمت عدل فـ أنسدح لي ساعة ..

بـ هالساعة اللي أنسدح فيها وأغفي في كل مرة يجوني اثنين على هيئة زوجي، أول واحد يجيني من ورا ظهري زي اللي بيحضنّي، بس أعرف إنه موب زوجي وأتعوذ من ابليس ما يروح بس إذا أذّنت الأذان يروح بسرعة ..

والمرة الثانية يجيني من باب الشقة لأني أنام بالصالة، (كُوني أستاحش أنام بالغرفة لحالي وأقعد بالصالة أشغل التلفزيون وأقصر عليه، علشان أسمع البزران برا شقتي ولا الأصنصير وما أخاف ) ..
المهم فـ يجيني الثاني على شكل زوجي وأقوله ( يَ فلان جاني واحد مثل شكلك ) وهو يناظرني ومبتسم وسااااكت وجاي صوبي ..
وبعدين أعرف بداخلي إن هذا مو زوجي، فـ أرجع أأذن مرة ثانية وأحاول أصحى ما أقدر، ما أقوم من غفوتي إلا بصعوبة يا بنات ..

لما أصحى أجلس أصيح حييييل، مع إني الحمدلله متديّنة، والرقية دايم أشغلها، وبين فترة وفترة أغسل البيت بـ ماي وملح وسدر ..

علموني شسوي يا بنات، أحس قلبي بيوقف يوم من الأيام بسبب هاللي يجوني بشكل زوجي، والله يا بنات إني أكتب لكم وعيوني غرقانة ..