مشكلتي تحتاج مساعدتكم

[عروسه ضايعه]

السلام عليكم

بنات ما اعرف بالمقدمات بدخل بالموضوع علي طول

انا عروسه جديده لي تقريبا 5 شهور او اقل

مشكلتي مقسومه ل 3 اقسام


اولا انصدمت ان زوجي للاسف علي طيبته بس اصحابه مو كويسين يشرب معاهم جلساتهم فيها بنات >>> الخ

في البدايه فكرت اطلق بس قلت الناس ما راح ترحمني وانا عندي خوات لسع ما تزوجوا قلت اصبر لين اعدي علي الاقل شهر من زواجي

بعدين صرت احاول اكسبه واحببه في البيت وكسبت امه ،اخواته مررره احاول ارضي الكل بس للاسف كله علي حساب نفسي


النتيجه الي ،صلت لها ان عدت 3 شهور زوجي ما يسهر صار يجلس في البيت كثير والحمدالله ما يشرب حتي لو راح لاصحابه يرجع بدري مره وما يتاخر



مشكلتي الان تبدا

ان انا جالسه احا،ل قد ما اقدر اوفر له جو في البيت والحمد الله نتجحت وصار يحب جلسه البيت معاي اكثر من الطلعه

بس خالتي (( امه )) مشكلتها معاي شي واحد تبي تاخذني معاها كل عزيمه وكل عرس وكل مناسبه حزينه او سعيده مثلا في الاسبوع الواحد عندها جمعه خواتها + جمعه اهلها + جمعه اولادها

هذا غير عزايم والزيارات

وكل مره تكلمني تقولي تعالي واذا رحت معاها زوجي راح لاصحابه واذا ما رحت زعلت او طلبت عذر وانا ما عندي عذر غير ان مالي رغبه اختلط في علاقاتهم الاجتماعيه الي ما تخلص ،اهمل بيتي وزوجي


كيف اقدر اعتذر منها بدون ما تزعل كيف اقدر اسوي توازن تعبت والله لدرجه صار عندي فتور وكره لكل شي حتي زوجي

[اسيره نفسي]

الله يعينك
قولي لها انا مشغوله بتنظيف البيت او انا مشغوله بطلع مع زوجي او قولي لها ناس بيجوني البيت صعبه اطلع واعتذر منهم

هذا اللي قدرت اساعدك فيه

[عروسه ضايعه]

صعب لان هي تعرف كل اخباري من زوجي وما احب اكذب لان وقتها هو يضن ان ما احب اهله

[إنبثاقة أمل]

الله يعينك ياقلبي

وماتكزبي عليها ولا شي

ازا الام بتعرف عن ابنها هالشي وعن اصحابه

صارحيها واحكيلها انك في بعض الاوقات ماراح روح معك ع شان ابنك مايشرب او غيره

احكيلها خلينا نتعاون ع شان يبعد عن هالشي

وهي ان شاء الله تتفهم وضعك

وكمان هيه لوما بتعزك وبتحب جيتك معها ما اخدتك معها

الله يوفقك ويبعد زوجك عن الشر

[سوزان الرياض]

ياحياتي انت الله يعينك ويفرجلك
تفكيرك ممتاز ماشاء الله
خالتك فرحانه فيك لانه لسا عروسه استني عليها شوي وراح تخف
اعتذري منها لانه انتي تعبانه ومره بتنظيف البيت
بس لاتخليها مره وحده بين كل ٢ طلعات اعتذري من وحده شوي شوي لما تتعود
الله يسخرهم لك

[عروسه ضايعه]

هي ما تعرف شي ابدا

وانا مو حابه اضايقها واقولها عن ولدها

مهما كان هذي ام ومثل ما ارضي لامي ما راح ارضالها

انا حتي اهلي ما يدرون عن شي

الله يكون بالعون يارب

مابي تعبي في كسب زوجي يضيع برجعت لاصحابه