فيني قلب واغماء فوري وحملت نصحوني شسوي

[حامل وفيني قلب]

مرحبا بنات
انا عندي مشكلة ال syncope يعني العروق بجسمي تتوسع مايوصل دم كافي لقلبي وصارلي شهر بلسرير وغصب اتنفس والحين عرفت اني حامل بلشهر الاول شسوي لان هذا اول حمل لي زوجي يقول نسقطه عشان صحتي ماتتحمل بس بعرف هل راح اتحمل النزيف بصراحه حاسه راح اموت بكذا الحالتين سواء اذا استمريت بلحمل أو اذا اسقط الجنين محتاره شسوي بس لازم اخذ قرار بسرعه اذا بسقط لان مع الوقت يكون اصعب نصحوني بنات

[حامل وفيني قلب]

رجا ء ردو بنات
بلذات اللي مسقطه وتحت اشراف اطبا هل النزيف يستمر وايد
كل دكتور قال شي بس دكتور القلب موراضي ويقول لازم انتظر لين تستقر حالتي
ودكتورة النسا تقول كل ماتتأخرين راح يكون اصعب لج
اللي مسقطين قبل افيدوني. بتجربتكم بليز

[شوق وحنين]

الله يسهل ان شا الله ويقدم الي فيه الخير..
سمحي لي ما عندي معلومات بس حبيت أدعي لج.

[وحيدة ببحر الغربة]

اسالي طبيب القلب ادا خالتك تتحمل الحمل وسعتها قرري انا وحدة من عيلتي قبل ما تتزوج تجيعا هالخالة وما يدرو عنها الا وهي على الارض ولكن الله قرر وامر وعندها ولد بس لازم تسالي طبيبك الله يشفيك

[حامل وفيني قلب]

مشكورين علردود بنات وعلدعا
زوجي قاعد يسال اطبا المشكله كل واحد له راي غير
والوقت موبصالحي
هل اللي. يسقطون نزيفهم يطول صج فترة طويله

[حامل وفيني قلب]

اخت ([color="black"] وحيده ببحر الغربه[/color] )
ياليت اذا ممكن ترسلين اسم الاطبا اللي بنت خالتج تراجعهم كانت
سواء طبيب القلب أو اختصاصي امراض النسا
والله اكون شاكره لج
لانها نفس حالتي والحمدلله عدت علي خير سالفة حملها

[حامل وفيني قلب]

وحيده ببحر الغربه
اسفه ترا انا من الربكه قمت اقرا واكتب غلط
انت كاتبه وحده من العيله انا مادري شلون قريتها بنت خالتج
علعموم ياليت تفيدوني
ومشكووورين
والله يشافي كل مريض يارب

[امجااد]

ماعندي خلفيه

لكن عليك بالدعاء والاستغفار والاستخاره

اسال الله العظيم رب العرش الكريم ان يشفيك ويكتب لك الخير

[حياتي توأمي]

لاحول ولاقوة إلا بالله
حبيبتي اصبري لاتسقطين
اول شيء صلي إستخاره
وماخاب من استخار ربه
انتي بين نارين وانا حاسه فيج ياقلبي
لازم تشوفين دكتور شاطر يختص بالقلب او دكتورة نسائيه شاطره وفاهمه
وممكن فيه ادويه تساعدك انتي وجنينك لأن ياحبيبتي مو معقوله تظلين طول حياتك بدون عيال
صدقيني إلا ماتلاقين حل للموضوع
ربك رزقك وهو راح يحفظك ويحفظه
هذه نعمه من رب العالمين كثير بنات بيتمنوها
حبيبتي ان شاء الله ماعليج شر يارب
واحساسي يقول بتجيبين احلى بيبي وبتقومين بالسلامه انتي وهو
يارب يارب يارب اشفيها وارزقها الخلف الصالح يااارب

[وحيدة ببحر الغربة]

المشاركة الأصلية كتبت بواسطة حامل وفيني قلب

وحيده ببحر الغربه
اسفه ترا انا من الربكه قمت اقرا واكتب غلط
انت كاتبه وحده من العيله انا مادري شلون قريتها بنت خالتج
علعموم ياليت تفيدوني
ومشكووورين
والله يشافي كل مريض يارب

حبيبتي انا اتصلت بماما وسالتها تقول اتعالجت بكندا لانها عايشة هناك وتقول انو هلحين عندها ماشاء الله ولد وبنت الله يساعدك ويرحمك لا تياسي اسالي واستخري ربك واهم شي ارتاحي عشان ما ترهقي حالك و الله كريم