فسرولي حلمي والله ينولكم اللي ببالكم

[سيران]

السلام عليكم اخواتي...رأيت ثلاثة احلام ودورت على تفسيرها عالنت بس مالاقيت...لهيك نزلتها بقسمنا مع انها لاتناسب مواضيع القسم...فلا تواخذوني حبيباتي
اول حلم لاقيت اني عم اشتري لاهلي سمك مجمد كتير بحبه شخصيا في الواقع،اشتريته لان بابا بحب السمك كتير،بس لما عم آخدلهم السمك بابا بيزعل لان بكون مهيأ نفسه على نوع تاني من السمك وانو هذا النوع مابحبه عم ازعل كتير وعم قول لامي طيب انتو كلوه والله طيب،بس امي عم تقللي خلص يعطيك العافية عالسمك شكله طيب بس مارح نطبخه

الحلم الثاني:شفت نفسي في منزل كبير وفي رجل عجوز ومريض قاعد،انا بكون بعرفه بالمنام بس في الحقيقة يعني مو بالمنام انا مابعرفه...المهم شفت اني عم ساعده لكون جنبه اذا احتاج شي وبقعد احيانا جنب رجله واحيانا بحضنه ومابتركه ابدا(المنام كان طويل بس هاد اللي متذكرته)

المنام الثالث:شفت اختي الاكبر مني وهيي في الحقيقة مالها متزوجة وكتير بتخاف،من كل شي بالواقع....المهم شفتها بالضيعة ببيت جدي عم تتحم وكان ليل ونحنا عم نخاف عليها،بتروح اختي الاكبر بتدق عليها الباب لتطمن وبتجاوب اختي انو هيي بخير...ونحنا منستغرب لان منعرف انو اختي بتخاف من كل شي،كيف هلق مابتخاف دخول الحمام لحالها والحمام برا الحوش والدنيا ليل..وكمان عم شوفها بمقطع تاني بنفس المنام انو اختي رح تروح بنفس الليلة تجيب غرض للبيت ضروري،ومالها خايفة ابداااا...و اخر الشي حسيتها انو هيي ممسوسة بالجان وانو في حدا عم يراقبها..بس اختي مو ملاحظة على حالها غرابة تصرفاتها كأنها مو من هالدنيا..........
مع العلم انو اختي هي بالحقيقة طباعها هادية و خجولة وبتخاف كتير من كل شي...

اخواتي بترجاكم اللي عندها تفسير لأحلامي تفسرلي ولكم الشكر سلفا.....