عملت اشعة الصبغه الحمد لله+قصتي

[حبيبة حاتم]

السلام عليكم كيف حالكم اخواتي ان شالله كويسات انا عمري 22سنه متزوجه ليا سنتين ونص ومارزقناش ربي بالصغار تزوج معاي سلفي من اول شهر مرته طلعت حامل انا في البدايه مافكرناش فيه هلبا موضوع الاطفال راجعت دكتوره في كل مره تقولي انشالله الشهر الجاي تجيني حامل كنت كلشهر نستني ولكن ربي ماكتبش المهم سلفتي جابت ولد بدو الناس يشوفولي علي ان انا اللي سلفتي جابت وهيا مازال ماحملتش الكل يسالني وانا نقولهم مازال ربي مارزقش كترت اسئلة الناس ليا وولد سلفي بدا يكبر هما ساكنين في الشقه اللي مقابلتنا بديت نسمع فيه كيف يلعب وامه ابوه فرحانين بيه ويضحكو عليه نقص في صوت التلفزيون باش نسمع لعبه وضحكه الللللللللله قاشها مؤؤلمه هاللحضه قلبي كان يتقطع وادعو لربي ان يرزقني متلهم ويحفضلهم ولدهم هو الان عمره سنه وتلاته شهور وسلفتي حملت تاني خبر حملها التاني كان كالصاعقه نزلت علي قلبي ونضرات الناس ليا كانت لاتوصف ولله الحمد انا وزوجي مؤمنين جدا بان ربي هو الرزاق وراضيين بقضا ربي المهم مره الدكتور طلب مني صوره ملونه الناس كلها خوفتني منها كنت ناجل فيها كل شهر نقولالشهر الجاي بنديرها لكن الشهر هدا قريت هلبا في هدا المنتدي الرائع عن تجارب اخواتي وارتحت جدا وقررت ان نديرها ومانقول لحد باش مايعارضوليش فيها المهم خدينا موعد وكنت جدا جدا مرتاحه مش خايفه منها ابدا صليت الاستخاره ودعيت لربي يسهلهالي مشيت للعياده انا ف الطريق نستغفر وندعي لربي وجي دوري لما دخلت الغرفه خفت شوي لكن قلت علشان بيبي يطفي نار قلبي نتحمل كل شي ورقدت ع السرير وغمضت عيوني ونقرا ف القران وبدات الدكتوره ماشفتش شي الا لما حسيت بالابره لما حقنتها داخل الرحم كان الالم بسيط جدا متلالالم الدوره سبحان الله قالت تالمت قليلا جدا متل كل دوره وانا ادعو واستغفر لين قالت لي الدكتوره كملنا نضت لبست ملابسي نزل مني دم شوي وقع المغص قريب عشره دقايق وراااااااح والحمد لله روحت ف السياره مش مصدقه روحي فرحانه اني درتها وكملتها واطمنت علي رحمي انه سليم الحمد لله والشكر ليه يارب نطلع حامل بعد هده الصوره يارب ادعولي ارجوكم كل من يقرا موضوعي يدعيلي من قلبه ويتدكرني في صلاته ويارب يرزقني ويرزق كل محرومه يارب يارب اسفه ع الاطالهت