تحملوني شوي لأن راسي بينفجر من التفكير

[girlwater]

السلام عليكم ورحمة الله وبركاته

اخواتي بجد أنا راسي بينفجر من التفكير مو عارفه ايش القصه

تعرفوا اني كنت حامل وفجأه وين راح كيس الحمل ماعرف

المهم أنا دورتي متأخره على أقل تقدير 13 يوم هذا لو قلت انها تأخرت هالشهر وجتني على 30 يوم

أخر مره جتني فيها الدوره كانت 15-3

وانا كنت ماخذه ابره تفجريه يوم 27-3

وكان عندي اربعه بويضات حجمهم 18-19-20-22

قالت الدكتوره هذي مشكله لانه لو حصل حمل بيكون توائم

المهم من بعد ابرة التفجير عطتني الفوليك ودوفاستون لمدة 10 ايام وقالت

لو مر 14 يوم مانزلت الدوره يعني حامل
بعد 14 يوم من الابره حللت منزلي طلع مافي حمل خط واحد بس


راجعت الدكتوره بعد 17 يوم من الابره حللت لي دم وطلع حمل بس ضعيف قالت لي ممرضه المختبر انه لسه بأول أيامه

قالت تعالي بعد اسبوع

راجعتها بعد اسبوع وكان موعد دورتي فات ب 4 أيام

وحللت دم وطلع التحليل ايجابي وقالت لي مبروك حااامل

قالت بعد اسبوع نشوف الكيس ،،، المهم رحت وجلست ساعه تدور وتروح وتجي قالت مو مبين شوي ولا يطلع وقالت خلاص لقينا الكيس بس صغير

واستغربت جدا قالت بس وااحد!!!!

المهم قالت بعد 10 ايام نشوف النبض

ماقدرت اصبر خصوصا انه معي كحه وبتزيد ورحت لها على 7 ايام اللي هو امس

فحصت لي سونار داخلي وخارجي ماطلع شي

قالت نزل دم قلت لااااا قلت دورتك نزلت قلت لااااا

قالت مو باين شي ولا في كيس في بس مثل الدائره صغيره مره بالرحم من فوق بالجهه اليسار

قالت هذا ماندري ايش هو

قلت احلل دم ثاني قالت لا

قالت بس وقفي المثبت
علما انه كان عندي صداع ودوخه وتنميل مثل الابر برجولي صباحا واحساس غريب مو الم لا مثل الشد بحلمة صدري

وكان معي هبوط او ارتفاع بالضغط مادري واحد منهم

وصابني التهاب بالمسالك البوليه وعطتني مضاد حيوي

من راحت الالم الالتهاب وقفت معي الدوخه والهبوط وجفاف الحلق

ياليت تفيدوني بخبرتكم هذا ايش اللي عندي

حامل ولا اجهضت بس المثبت منع نزول الدم ولا تشخيص الدكتوره غلط

علما بأني لما حسبت لنفسي لقيت اني عملت السونار وانا ماخلصت الاسبوع الثالث

وبكره باذن الله اكمل شهر من وقت حدوث التبويض

اعذروني ازعجتكم لكن بجد التفكير حيجنني