دوره فن التعآمل مع الاطفآل .. الدرس الاولى ..^^

[MAяSҺy]

السسلام علييكم ..

كيفكم ..؟ ان ششآء الله طييبيين .. ^^

اليييوم حييكون الدرس الاول من دوره (فن التعامل مع الاطفآل )

آن ششآء الله تتفآعلو معايآ ..

اعرفكم ب نفسسي ..

مآرششي .. ادرس ب الجامعه تاني سسنه تخصص رياض اطفال .. عندي ولد واحد اسمو خالد .. (لودي )

حبيت تسستفيدو من الي اخذتو ف الجامعه لانو ششي ممتع وجمييل ..


التعامل ف القران الكريم والسنه النبويه ..

(ولو كنت فظآ غليظ القلب لانفضوا من حولك )

(اتي الرسول صلى الله عليه وسلم لبن وعن يمينه عبدالله ابن عباس (كان صغير السن ) وعن شماله خالد ابن الوليد .. فقال رسول الله لابن عباس اتآذن لي ان اسقي خالد قال ابن العباس ما احب ان اوثر بنصيبي من رسول الله على نفسي احد فاخذ ابن العباس وشرب ثم شرب خالد)

ف القران . والسسنه النبويه مثآآآل لكل ششي ب الحياه .. وسسيره الرسسول حاجه تجنن . .. والاستفاده منهآ 100% من جمييع النواحي ..

اللهم صلي وسسسلم عليه ..
....

خطوات لابناء علاقه ايجابيه مع طفلك :.
1: التفهم .
2: المحبه .
3:الاستماع .
4:الثقه .
5:الافتخار .

(التفهم : حاجه مرا ضروريه . يعني لازم تعرفي ليش ولدك يسوي كدآ .. يعني في اطفال نشيطين وبس يجرون في البيت ومافي مكان تاني ينزلو طاقتهم فيه .. واكلهم كلو حلويات وسكريات اعطتهم طاقه ضعف الطاقه الي عندهم .. ف النهايه يجي الاب يصرخ عليه .. او الام تضرب .. او يسسمع كلام ( انتآ جني .. ماتجلس في مكانك .. نام .. وطبع من غيري الكلام التاني الي كلو سب وششتم وكلام ماينقال ) ف النتيجه اكييد بيجي للولد مششكله نفسسيه .. واخطر ششي المششكلات النفسسيه لطفل (حتكلم عنها بالتفصيل ان شاء الله ) فلازم تفهمي طفلك ليش يسوي كدآ .. انا ايش سويت..كيف اتعامل مع الناس قدآمو .. ايش اعطيه اكل .. فآدآ تفهمتي طفلك 50% بتنحل مششاكل كثير ..

طبعا المحبه مهمه .. لانها تبعد الطفل عن مششاكل نفسسيه كثير وهيا امكن اكثر مسبب للمشاكل المختلفه .. المحبه بالاحتضان و الكلام الحلو .. مو انا احبك وبسس لازم ف الييوم تحضنيه 8 مرات اقل ششي .. تثني عليييه .. تلعبي معاه .. تتفرجي معاه الاششياء الي يحبهآ ..

برضو الاسستماع مهم.. تتكلمي معاه يحكيكي عن يومو .. ادا سوا مشكله تسسمعي منو ليش سواها .. لما يبرر لنفسسو ..

الثقه .. لازم تثقي ب طفلك .. من ناحيه الششكل او اي ناحيه.. الذوق خليه يختار ملبسسو ..ادا جابلك هديه اكسسوار او بلوزآ .. البسسهآ ووريه انها مررا عاجبتك .. ثقي ف قدرات ولدك وف كل ششي فيه ..

الافتخآر .. ادا نجح اعملي حفله .. افتخري فيه امام الناس بس مو مبالغه ادا سسوا ششي كويس افتخري بقدراتو ومهارتو . . ..

المبادى العشره للانصات
1: ركزي انتباهك .
2:لاتقاطعي .
3:افهمي .
4: كوني موضوعيه .
6:اصبري .
7:استوعبي .
8: لاتشغلي .
9:وفري المناخ المناسسب .
10:اشرحي صدرك .

الانصصات مررآ ششي مهم وييحل مششاكل كثير .. ويخلي العلاقه بين الام والاطفال علاقه راائعه اقرب ما تكون صداقه .. اتسسمعي ب إنصات للحكاياتو ومغامراتو ..

كوني قدوتو ف الانصات ..

..

طبعا كثير مننا .. يفتكر الاطفال اغبياء وما يفهموون .. الاطفال خاصه ف مراحله الطفوله المبكره اذكيآْ ويكون نشاطهم العقلي ممتاز وف احسسن حالاتوو .. لدرجه تقدري تخلي الطفل يتقن 3 لغات مختلفله من سن 4 الى 6 سنووات .. فلا تسستغبي علييه لا يسستهبل عليك

طبعا من قبل ما يجي الطفل لازم تكوني مهيه نفسسك ومهيه الي حولينك الاب .. اطفالك .. بقدوم طفل جديد ..

مراحل الطفوله :.
الطفوله الاولى من الميلاد الى ثلاث سنوات
( مراحل متسارعه ومتغيره .. يتغير فيها الطفل من متطفل كلي على الام الى مستقل ..اكثر ما يحتاجه الطفل الى الرعايه والحنان والحب )
الطفوله المبكره من ثلاث سنوات الى ست سنوات .
( تتكون شخصيه الطفل وهيا مرحله مهمه من الناحيه العقليه )
الطفوله المتوسطه من ست سنوات الى تسع سنوات
الطفوله المتاخره من تسع سنوات الى الثانيه عشر ..


ف كل مرحله لهآ خصائص وسمات خاصه بهآ .. يعني مسستحيل تعاملي طفلك الي عمرو 11 سنه زي الي عمرو 7 سنوات .. او تشتريلهم نفس اللعبه او تعامليه بسسلوب واحد ..

اكبر خطآ ..

والخطا التاني ودآ خطآآ شششنيع ..

المقآآآآآآرنه .. يعني شوف اخوك احسن منك .. ليش منتآ زي صاحبك شاطر ماشاء الله ..

يعني لو كنتي مسويه صينيه بسبوسه من كل قلبك .. وجآ زوجك ومعاه صينه بسبووسه من صاحبو ..

وذاق من الصينيتين .. وقال ( حقت مرت صاحبي البسبوسه اطعم واحلى ..) مو بتزعلي لو بينك وبين نفسك وتنقهري ومعاد تسسوي بسسبوسه وامكن تبطلي الحلى ..

لانك تعبانه ع صينيك ..

زي كدآ الاطفال .. يجي واحد ويزآآآآآآآآآآكر ف النهايه ما يحل .. والتاني نايييم وحل ..!

فلازم ترراعي الفرروق الفرديه بين اطفالك ..

تقآآرنييه بطرريقه وحده فقط (مقارنه مع نفسسو ) يعني ( ليش كدآ ي احمد درجه الاختبار امس كانت احلى من كدآ .. واتوقع بكرا بتحل في الاختبار وتجيب درجه احسن واحسن )

بتلاقييه بيششتهد لانو ششجعتيه وعززتي ثقتو ب نفسسو .. مو حطمتييه ..


والتذبذب ف العقاب او الثواب خطآ برضو

يعني اليوم كسر الصحن .. ضربتو .. بكرا كسر الصحن .. حضنتوو ..

والخطآ الششششششششششششنيع + الفضضيع + الفششل بام عيينه ف التربيه

الضضرب .. آبدآ الضرب مو حل ..

لمآ ولدك يغلط وعصصصبتي وودك تضربيه ..(_ اسستغفري ربك وخذي نفسس عميييق .. وحكمي عقلك وتعاليلو بالهدآوه .. مره ع مره يسسلك ..)

طبعا لكل خطا حل مناسسب .. وحتكلم عنوو باذن الله

...

معليششش انا عارفه انهآ دورره زي وجييهي . .. لاني لدحين ما اششتريت كتآب مششكلات الطفوله وكل ششي كتبتو الي سسمعتو من المحاضره .. وما حبيت ااخر الدوره زياده عن كدآ

ان ششاء الله يوم الثلوووث حيكون الدررس ب (اللغه العربيه ومن الكتاب نفسسو ^^)

وحنتكلم عن كل ششي ب التفصصيل واي سسؤال او اسستفسسار انا حاضره ..^^

بس اتمنى تسسألو من نفسس موضوع الدرس .. وكل تسسآولاتكم حجآوبكم عليهآ ف وقتهآ ..^^

م

[كآدي]

ماشااالله تبارك الله كلام سليم
يعطيك العافيه وانا عن نفسي استفدت منك كثير ربي يسعدك حبوبتي
وان شا الله بحاول اطور نفسي لاني اليومين ذي حامل ووحم وما اتحمل العيال
الولد في اول صف دراسي والبنت في الروضه وعندي بنوته صغيره ما كملت السنه
وضغوطات نفسيه وما اتحمل احد هما العيال نعمه من رب العباد له الحمد والشكر
والثنا الحسن ولكن يحتاجون لصبرررررر وطوله بال وانا ظروفي اليومين
ذي والنفسيه مو تمام مدري اقول الله يعيني على اولادي او الله يعين اولادي
علي لاني احس اني قسيت معاهم اليومين ذي بس بحاول اغير من نفسي واتبع
اسلوبك وبكمل معاك في الدوره لكي تقيمي احسنتي ومشكوره على مجهودك
الجميل والعفو على الاطاله

[أنـــ غير ـــا]

مشكوره مارشي على المجهود رائع والك احلى تقيييم وانا معاكي كتير استفدت

[MAяSҺy]

كآآدي .. الله يحفظهم لك يآرب .. من جييد حالتك صعبه .. بس حآولي وان ششاء الله تقدري ..والله يقومك بالسسلامه يآرب ..

يسسلمو ع المرور+ التقييم + التششجيع ..^^

انآ غير .. يسسلمو حبيبتي على المرور + التقييم ..^^

[فوضت امري لله]

مشكوره ياقلبي معلومات روووووووووعه انا افتقر لهااااااا وعصبيه مره ومااتحمل شي من عيالي الله يهديني لهم ويهديهم لي-----------

[أسيرة زوجي]

مشكورة حبيبتي على النصائح الرائعة و المفيدة
ننتظر المزيد منك أختي

[MAяSҺy]

فوضت .. اسيره .. يسسلمو حبيبآتي ع المررور ..^^

[جارة القمر]

بارك الله فيك............

[طيف الأمل]

مشكورة جدا جدا وجزاك الله خير فعلاً كلاام مرة مفيد واستفدنا وانشاء نستفيد دائما وخاصة في مسألة العصبية انا عصبية وما اتحمل وحامل بابني الاول وكنت اتمنى اشترك في دورة زي هذه عشان استفيد لان مرحلة الطفولة اهم مرحلة للتربية وتعتبر مسؤولية

[دافئة المشاعر]

ابدعتي آبلتنآآ
احب الاسلوب الشخصي فلكتابه ويكون مختصر وواضح بقدر المكان ويحمل اهم انقاط
متابعه لك وبقووووهـ محتاجه لهدوره جدآ

آكيد تستحقين التقييم والاعجاب
بآنتظار باقي الدروس
خالص تقديري