ساعدوني ارجوكم

[الام الطيبه]

السلام عليكم
شلونكم شخباركم
بقولكم مشكلتي بس احس باحراج
بس مالي غيركم انا صار لي جم يوم من ولدت ويبت ولد بس ايام الولاده تبرزت علي نفسي عزكم الله وانا للحين مضايقه بس الحين واجهت مشاكل.وايد دم النفاس وايد وانا احط اولويز وكل شوي اتوسخ من الدم مادري شنو احط وصار مع تبول لا ارداي اي حركه.ينزل علي ماقدر حتي اروح الحمام وانا مضايقه حيل وان شاء تفيدوني انا ماعندي خوات وماقدر اقول حق زوجي انحرج

[جروح الحب]

الف مبروك والحمدلله ع السلامه

طيب روحى لى المستشفى وشوفى وعن الدم النفاس طبيعى فى الاسبوعين الاوله من الولده يكون كثير الدم
بس انتى لا تلبسي اولويز ذحين فيه فى الصيدليه فام النفاس كبيره
اشتريها والبسيهاوحولى ما تخلينها عليكى فتره طويله كل بعد خمس ساعات
خذى غيره
والى صار لك يمكن من اثر الولادهـ والف عافيه عليك

[المتأمله خير]

الحمدلله على سلامتك حبيبتي

وعادي اللي صار معك مو محرج يصير مع كثير من الوالدات .. المهم ما ينفع تستخدمي اولويز.. في بالصيدليه فوط خاصه للنفاس استخدميها
وبالنسبه للبول هذا يسموه السلس البولي يكون نتيجة الشد اثناء الولاده والضغط على المثانه اثناء الحمل لكن راقبي نفسك اذا استمرت هالمشكله لبعد النفاس ضروري الكشف وعلاج المشكله في البدايه عشان ما تتطور
وأسأل الله العظيم رب العرش العظيم أن يمن عليكِ بالصحه والعافيه

[ملكتني بهمسك]

لاتشتكين لزوجك ولا شي الي مريتي فيه طبيعي بس سوي تمارين كيجل عشان تتحكمي ببراز والبول والدم فيه فوط خاصه بنفاس
والحمدالله على سلامتك والف مبروك ماجاك