عملية تنظير على الرحم

[leemona]

كيفكن يابنات انا بحاجة لدعواتكم لان عملت العملية ورح احكيلكن شو صار معي
هلا في كتير بنات فاهمين غلط عن تنظير البطن والدكتور فهمني في فرق بين منظار البطن على الرحم وبين منظار الرحم... الاول بيعملو 3 فتحات عالبطن وبيشوفو الرحم خارجيا ولازم بنج عام بينما التاني بيدخلوه من عنق الرحم وبفحصو الرحم من جوا ومابيحتاج بنج عام متل اشعة الصبغة او الصورة الظليلة
المهم قالي الدكتور بتطلعي بعد بساعتين من العملية عملية تنظير بطن على الرحم رحت مبارح الصبح وبنجوني ماحسيت على شي وفقت وانا مخيطة 3 فتحات ببطني وعلى تختي يعني نقلوني من غرفة العمليات لغرفتي وانا ماحسيت بس تعبت من البنج صحيت عم اسعل والعفو منكم تقلب معدتي ووجع اكتاف وظهر وبلعومي مااقدر اشرب مي حتى..وركبولي اكسجين . فنيموني بالمشفى وعطوني مهدئات واليوم طلعت ومشيت عادي وكتبلي على ابر التهاب وحبوب ... هلا بحس بحكة وحرق بسيط محل العملية يعني العملية بحد ذاتها ماوجعتني اد ماتأثرت وتعبت من البنج
المهم الدكتور عملي العملية وراح ماشفتو ماقلي عالنتيجة بس مكتوب باضبارتي انه عمل كي للبطانة الرحم المهاجرة والابواق نافذتين وفي سي دي العملية يعني الدكتور مصور العملية وعطانا السي دي وتفرجت عليها وشفت شو عمل جواتي ....
عندي موعد معه الاسبوع الجاي لفك القطب ورح اسئله عالتفاصيل ووالممرضات والدكاترة اللي هنيك قالولي وضعك جيد وان شاء الله تحملي طبيعي بخبركن باذن الله عن اي جديد بس كتير عملوها وحملو بعدها وانا طول 4 سنوات كانو يقلولي سليمة هلا وقت فتح بطني شاف البطانة المهاجرة ماكانت مبينة وعملوها كي بالليزر وراحت وقالي هي السبب بتأخر الحمل عندك ادعولي يابنات والله يرزقني ويرزقكم بالذرية الصالحة

[Orchid109]

يااااااااااااااااارب يرزقك حبيبتي بالحمل هذا الشهر بس اساليه وش سبب البطانة المهاجرة ,
انا بعد عندي منظار هذا الشهر يعني تقريبا بعد اسبوعين بس منظار رحمي بتخدير موضعي

[امال جزائر]

الله يرزقك و يرزقنا اجمعين ياااااااااااااااااااااااااااااااارب

[leemona]

تسلمي اوركيد الله يرزقك بالحمل السليم يارب ... البطانة المهاجرة هي نفس بطانة الرحم بتهاجر وبتروح عاماكن تانية مثلا عالابواق او المبيض او خلف الحوض وسبحان الله بتكون قطعة صغيرة جدا ولما يصير وقت الدورة بتنزف هي كمان مشان هيك بتسبب الم شديد عند الدورة وبيأخر الحمل لانه الدم مابيطلع بيضل جواتك وبيوقف النزيف وقت بتخلص الدورة وهكذا بيستدل عليها اذا كانت بالمبيض او الابواق باكياس دم يعني الدكتور بيشوف كيس دم او مايعرف باكياس الشوكولا انه غامقة لانه بيتجمع الدم داخلك فبصير كيس طبعا غير اكياس الماء اللي عادي بتروح بالادوية... بس انا عندي كانت خلف الحوض ومافي اكياس دم عملي التنظير هيك شك فقط وفعلا وقت فتح بطني شاف في دم بالحوض وشفطه وعملها كي وراحت.. السبب مابعرف بس سمعت الممرضة قالتلي انه لبس البنطلون الضيق وخصوصي الخصر ساحل او الخصر واطي وبالذات اوقات الدورة .. يعني بتوقع عندك البطانة بالابواق حتى الدكتورة رح تعملك ياها داخلي...؟؟؟؟ لانه انا من البطن فتحولي وشافوها خارج الرحم جنب المبيض وعملها كي وتخثير .. ان شاء الله كون افدتك

[ahlam-f]

ياعمري انتي الله يشفيك ويصبرك ويرزقك من فضله يااارب على الصبر اللي صبرتيه

[Orchid109]

المشاركة الأصلية كتبت بواسطة leemona

تسلمي اوركيد الله يرزقك بالحمل السليم يارب ... البطانة المهاجرة هي نفس بطانة الرحم بتهاجر وبتروح عاماكن تانية مثلا عالابواق او المبيض او خلف الحوض وسبحان الله بتكون قطعة صغيرة جدا ولما يصير وقت الدورة بتنزف هي كمان مشان هيك بتسبب الم شديد عند الدورة وبيأخر الحمل لانه الدم مابيطلع بيضل جواتك وبيوقف النزيف وقت بتخلص الدورة وهكذا بيستدل عليها اذا كانت بالمبيض او الابواق باكياس دم يعني الدكتور بيشوف كيس دم او مايعرف باكياس الشوكولا انه غامقة لانه بيتجمع الدم داخلك فبصير كيس طبعا غير اكياس الماء اللي عادي بتروح بالادوية... بس انا عندي كانت خلف الحوض ومافي اكياس دم عملي التنظير هيك شك فقط وفعلا وقت فتح بطني شاف في دم بالحوض وشفطه وعملها كي وراحت.. السبب مابعرف بس سمعت الممرضة قالتلي انه لبس البنطلون الضيق وخصوصي الخصر ساحل او الخصر واطي وبالذات اوقات الدورة .. يعني بتوقع عندك البطانة بالابواق حتى الدكتورة رح تعملك ياها داخلي...؟؟؟؟ لانه انا من البطن فتحولي وشافوها خارج الرحم جنب المبيض وعملها كي وتخثير .. ان شاء الله كون افدتك

وسبحان الله الاعراض اللي قلتيها نفس اللي تجيني
الم مرة قوية على الانبوب الايسر وقت الدورة لانه ملتهب ومسدود والدورة ماتنزل كاملة مع اني اخذ حبوب تنزلها وغير كذا قالي كلام مافهمته الا الحين منك حبيبتي ان الرحم عندي فيه تجمعات وحويصلات على البطانة وراح يشيلها بس !

وكذلك نفس الشي سمعت انه السبب غالباً من لبس البناطيل او التنانير الضيقة

تشكرين حبيبتي على الافادة
ان شاء الله تحملي الشهر هذا وتبشرينا بحملك

[leemona]

تسلمولي يابنات على تعليقاتكم والله وقت فتت على المنتدى حبيتو لانه شفت ادي قلوب البنات بهالمنتدى بالذات على بعض ان شاء الله منفيد ونساعد والله يستجبلنا دعائنا يارب شكرا للجميع

[leemona]

انا تعبانة كتير كتير العفو كل مااكل شي تقلب معدتي صرلي من وقت العملية يعني من 4 ايام مااكلت شي وزوجي احتار معي يجبلي الاكل اللي بحبه بركض عالاكل هجوم من كتر جوعي ولسا اول لقمة بتسد نفسي وتخبط معدتي وعالحمام .. الله يكرمكمو وزني كان 60 مثالي هلا نحفت 5 كيلو لحد الان ياربي هونها عليي والله تععبت كلو من ادوية الالتهاب والابر بعد العملية,,, كل يوم باخد ابرة التهاب قوية بالعضل والله بتوجع وبيزرق محلها ومابقدر اجلس من وجعي ولا بقدر نام على بطني من القطب اللي ببطني غير الحبوب اللي بحس بطعمها بتمي طول اليوم ومابشتهي على شي والدكتور اكدلي انه لازم اخدها طيب شو اعمل...والله تعب جوزي وهو يحاول معي يطعمني لانه قالي لازم تاكلي قبل الحب وانا شعري منكوش وبدي اتحمم ومابقدر لسا مافكو القطب وعيوني دبلانه ووشي اصفر وماسكة بطني ورايحة وجاي عالحمام لوعة نفس صرت اكره وقت الدوا لانه لازم اكل لو لقمة قبلو وباكل غصب عني لقمة ومابتحمل واهلي بعيدين عني مسافرين...... ادعولي بالشفاء

[ام اخيل الاردنية]

ان شاء الله يرزقك ويسهل امرك
انا مثلك سارلي متزوجة 4 سنوات وقبل شهر عملت عملية تنظير للرحم بس انا مشكلتي طلع عندي قناة مسكرة حاولوا يفتحوها بس ما قدروا
وفي الاول والاخير الي كاتبه ربنا رح يسير والحمد لله
بس احنا علينا الدعاء والاستغفار

[Oum meryam]

أسأل الله العضيم رب العرش العضيم أن يشفيك
أسأل الله العضيم رب العرش العضيم أن يشفيك
أسأل الله العضيم رب العرش العضيم أن يشفيك
أسأل الله أن يهب لك من لدنه ذرية طيبة إنه سميع الدعاء
يارحمن يارحيم يارحمن يارحيم يارحمن يارحيم عوض تعب أختنا هده بذرية صالحة تقر عينها بها وتملأ بيتها فرحا وسعادة
اللهم شافها وعفوا عنها وغفر لها ورحمها إنك غفور رحيم
اللهم آآآمين اللهم آآآمين اللهم آآآمين