خلاص عرفت حالتي و رسيت على بر..

[مشاعل الدوسري]

السلام عليكم ..


بعضكم يدري اني حملت و انا توني عندي بنوته عمرها 7 شهور
تقريبا و حملت و ماكان لي رغبه في بقاء الجنين و و و و و و ..
و فجأء ربي رزقني بأثنين ..
و الثاني توفى فجأه..
و تعبت تعب اليم ...
و كل شوي بلمستشفى و افلام كثيره اللي يقولي ننزل الجنين و اللي يقولي هرمون الحمل زايد و اللي يقولي جسمك مو متقبل الجنين و كل دكتور له كلام تعبني و اثر في نفسيتي بزززززززززززززززززززززززززززززززززززززياده ..


المهم

اخر شي رحت لمستشفى الدوسري اللي بلخبر
جايهم دكتور من بره مصري اسمه محمد مرررره شاطر..

و عملي سونار من تحت و قالي ان في جنين واحد بس
و الثاني مو موجود طبعا مخي مو متقبل .. و مو مصدقه اللي شفته بعيني ..
وين الجنين الثاني ..

يجنن الجنين قاعد يلعب و حاط رجل على رجل و كل شوي بحركه
و يحرك اصابعه و البارح حسيت برفسه منه ههههههههه..


فا الدكتور قالي انتي رحتي لكذا طبيب و كل واحد قالك كلام تعب نفسيتك ...
فا شي طبيعي تتعبي و طول الوقت استفراغ ..


و بلفعل انا كنت كل ما اتذكر ان في بطني شي ميت
اتضايق و احاتي و تجيني الدوخه على طوووووووووووووول ..


فا الموضوع كله تعب نفسي زود لي هرمون الحمل ..

و بجد انا من يوم الخميس و انا عند اهلي ما استفرغت كثير
يادوب 4 مرات من يوم ما جيت عنداهلي
و انا يوم كنت في بيتي اكثر من 4 مرات بليوم و توصل الى 7 مرات ..


فا الموضوع كله يتعلق بلنفسيه ..

و رحت لمستشفى سعد قابلت برفسور جمال..

ابي اشوف شنو يقولي هل نفس الكلام و لا تأليف جديد..
و سألني كم سؤال ..؟

كم عمرك ..؟
كم عمر زوجك ..؟
كم سنه صار لك متزوجه ..؟
متزاعله مع زوجك ..؟
أول حمل لك ..؟
كم عمر بنتك ..؟
و وقف عند هذذا السوال.. بعد ماجاوبته قلت له عمر بنتي في بداية ال7 شهور


قالي من غير ما اكمل و طبعا هذا الحمل اللي حملتيه كان بلغلط من دوون تخطيط ..
و لما اكتشفتي ما كنتي متقبله وجوده و كان ودك انه ينزل..؟

قلت له ايه في بداية الامر .. بعد كذا تقبلته ..

قالي لانك من البدايه ماتبين هذا الحمل
اثر على هرمون الحمل
نفسيتك مو متقبله وجود الحمل و مع ذالك
جسمك و رحمك و صحتك مهيئه لأستقبال جنين يعني عوامل الحياه للجنين
متوفره لكن نفسيتك كانت رافضه هذا الشي مما

أدى الى زيادة هرمون الحمل و مخليك تعبانه طوووووووووووووووووول

الوقت الجنين الثاني توفى و تحلل و مستحيل يأثر .. عليك او على اللي معاه ..


ياثر اذا كان جنين واحد و توفى لازم نعمل لك تنظيف و نجهضه لانه متوفي ..

لكن 2 او 3 او 4 و يموت منهم واحد نروح نجهض البقيه ابدا ماتصير الا في حالات معينه ..
تمزق المشيمه و امور اخرى ما ذكرها عشان ما اتخووف ..

و بس ارتحت أخيرا لكن الدخوه مازالت معاي ..

و تهووووووووووووون الدوخه و لا التعب اللي احس فيه ..

الحمدالله على كل حال ..

بعدها ارتحت و رحت المشغل سويت لي مساج و تنظيف بشره و حفيت وجهي و استعدتاشراقة وجهي هههههههه

لان وجهي صار مثل الكركم ...



عموما هذا درررررررررررررس أتعلمته .. في الحياه اني اتقبل كل شي مهما كانت الاسباب ..

لانه رزق من ربي ..

مهما كانت الظروف ..

طبعا انا كنت فاهمه هلشي بس بنفس الوقت نفسيا مو متقبله ..

و الحمدالله على كل حال..


تحملوني الى بعد رمضان و بأستعيد انشالله نشاطي و قوتي و ماراح اقصر معاكم بلمنتدى مثل الحين ادري مقصره لكن الموضوع مو بيدي ..