ايه احساسك يوم كتب كتابك

[MALAK2010]

ازيكم يا بنات قصدى يا حوامل ويا امهات ههههههه

الموضوع باين من عنوانه ايه احساسكم يوم كتب كتابكم كنتوا فرحانين ومزقطاطين علشان خلاص هتبقى مع جوزك ان شاء الله طول العمر ولا قعدتوا تعيطوا من الفرحه

نفسى اعرف الناس بتعيط ليه ما اغلب اللى بيكتبوا الكتاب بيكون قبل الفرح بشويه يعنى البنت هترجع تانى بيت اهلها هتروح فين يعنى
(ممكن انا مرضيتش اعيط علشان كنت خلصت كل الدموع قبل خطوبتى )

انا هحكيلكم انا عملت ايه وعاوزة كل واحده تتدخل تقول ايه اللى حصل
انا يوم كتب كتابى كان الحمد لله اجمل يوم فى عمررررررررررررررررررى

خطيبى كان نازل اجازة قصيره اووووى لمده 9 ايام علشان يخطبنى وماكنش فى الحسبان موضوع كتب الكتاب لاننا بنكتب الكتاب قبل الفرح بحاجه بسيطه

لقيت خطيبى بعد يوم الخطوبه بيتصل عليا وبيقولى انا عاوز اكتب الكتاب فقلتله نستنى شويه فقالى اقفلى معايا وقومى صلى استخاره وفعلا صلينا استخاره والحمد لله الكل وافق عندنا وقررنا نكتبه فى اليوم اللى بعده كان يوم خميس فقالى احنا نصوم الخميس وبعد المغرب يجى علشان يكتبه

يومها الصبح جابلى بوكيه ورد احمر جمييييييييييييييييييييييييييل كانت مفاجاءه رقيقه ووحلوة اوى
وبعد المغرب كان كتب الكتاب

الكل ساعه كتب الكتاب قعد يعييييييييييييط اهلى واهله الا انا وهو انا ماكنتش عاوزة اعيط واعيط ليه واضيع اجمل فرحه بالعياط انا كنت ببصله طول ما كتب الكتاب بيكتب علشان لو بصيت لحد هتفتح فى العيااااااااااااط انا عارفه نفسى اعزة اعزة هههههه

وهو كان ما شاء الله جد اووووووى وبعدها قالى انا كنت مركز فى كل حرف بيقوله المأذون وخلاص بقيتى مسؤله منى ربنا يخليهولى ياااارب

انا كان جسمى قشعر اوى والماذون فى الاول بيقول توبنا الى الله ورجعنا الى الله وعزمنا على الا نعود الى ذنب ابدا

وبعد ماكتب الكتاب اتكتب الكل قعد يسلم علينا ويعيطوا طبعا وكانت فرحه جميله وزغارييييييييييييييييط حلوة وانا كنت مكسوووووووفه اوى منه وماسلمتش عليه ههههههههههه كان يوم مايتنسيش

والحمد لله اتجوزنا وجبنا احلى سلمى فى الدنيا ربنا يباركلنا فيها يارب

اه نسيت اقولكم بعد كتب الكتاب بيوم سافر واديتها بقى عيااااااااااااااااااااااااط ماانا بعوض اللى ماعملتوش فى يوم كتب الكتاب

انا لكيت كتيييييييير انا كمان اختصرت على اد ماقدرت ههههههه

يلا قولولى عملتوا ايه يومها وحسيتوا بايه