شاركينا باغرب تصرفات حماتك

[أم لانا وكيمو]

السلام عليكم ورحمة الله وبركاته
حبيباتي المتزوجات كلنا حماواتنا عندهم حركات وتصرفات ممكن ينقال عنها غريبه ومالها تفسير

وعلى قول المثل (اهل الجوز اهل جوز ولو كانو سكر ولوز)
يعني لابد من الحركات اللي تغيض

فايش رايكم كل وحده تكتب اغرب تصرفات حماتها معاها وايش ردة فعلها عليها

طبعا انا مابحرشكم على حماواتكم بس اللي تشوف حماة غيرها تهون عليها حماتها هههههههههههه

انا بابدا
انا مثلا حماتي دايما تقوللي انتي زي بنتي بالضبط
ومع ذالك .......

تخيلو يتصل علي زووجي من الدوام ويقول امي تبغاكي تطلعي تسشوريلها شعرها ههههههههههه مو انا بنتك ليه ماكلمتيني ...يالله نقول مستحيه

ثانيا ..
لما حملت بالتاني تخيلو ماباركتلي ولا جابتلي سيرة الحمل وربي ولا كانها تعرف الييييييييييييييين سرت في السادس وكرشتي قدامي ومررره كنت معاها لحالنا فاضطرت تسالني ..انتي باي شهر هههههههههه ضحكتني
طبعا اتخرج من الجامعه ماتباركلي ......مشيناها
مع اني لازم ابارك لبنتها اللي هي قدي بالضبط تخيلوا

تمووووووووووووووووووت ولا اروح مع زوجي نوصلها مشوار ...تقوله انت كل ماتوديني وتجيبني مرتك فديلك ههههههههههه ومن يومها ماشافت وجهي في السياره

طبعا الطبع المفضل عندها كل مانطلع الجمعه تسوي روحها تعباااااااااااااااااانه عشان انا وسلفتي نشتغل واولادها يتلموو حواليها ... ولا على بالي مع نفسها

واحلى موقف سارلي وانا عرووسه كان لي اقل من شهر كنت ساكنه ببيتهم
وداك اليوم جات من المستشفى وكانت تعبااانه ورحت وقعدت مع اولادها ومسجتللها رجولها المهم ماكنت ابغى اتغدى معاهم رحت غرفتي وقلت شبعانه وشفتهم كانوا جايبين اكل من بره

تخيلو بعد فتره تقوللي انا زعلانه منك داك اليوم رحتى غرفتك وماساعدتينا في الغدا
قلتللها انا شفتكم جبتوا من برره
نخيللو اش تقوول ..
قالتلي بس انتي عارفه انو عمك يعني ابو زوجي ...ماياكل من برره ...صدمتني الصراحه
يعني معليش بس بنتها ماتعرف تسوي لقمتين لابوها والا لازم انا...برضو مع نفسها

واللي يقهر الصراحه اني وانا ولاده فبنتي وانا في المستشفى تتصل على زوجي تسالو كم فتح الرحم ومن كلام الحريم دا وانا طبعا قلتله معليش تبغى تسال تسالني انا مو انت وانا اعرف انها تتكلم عاادي فدي الامور قدام اولادها وزوجها

تخيلوا الفضااايح

بس طبعا عشان زوجي يرتاح عمري ماجبتله سيره عن حركاتها معايه لانه الزوج على طول يوقف مع امه وحتدخلي فمقارنه منتي قدها
فالافضل نكبببر عقوووولنا


وياليت الاخوات يفيدونا بتجارهم عشان نستفييييييد
وسلامتكم