قصتي حملي الاول والثاني وتأخر حملي

[حلم وردي]

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
حبيت اسلم عليكم قبل كل شي لاني ضيفه جديده على المنتدى
وهذي اول مشاركه لي

راح اقول لكم قصة رحلتي للمستشفيات بعد مرور 3 سنوات ونصف على تاخر الحمل
لاكن لازم اوضح لكم عن نفسي اكثر


عندي من الاطفال طفلين اولاد الله يحفظهم ويصلحهم
الاول عمره 6 سنوات والثاني 3سنوات
طبعا في حملي الاول حملت بعد الله بمتابعه مع دكتوره وحددت لي يوم نزول البويضه
يوم قبل ويوم بعد يعني قبل نزول البويضه ويومها ويوم الي يلي نزول البويضه
والحمد الله تم الاخصاب ..
بس انا ما عرفت اني حامل الا بعد اسبوعين
الاعراض الي مريت فيها وخز شديد في منطقة البطن فقط
والام الي تسبق الدوره
عملت تحليلين التحليل الاول بان نسبه بسيطه والتحليل الثاني بعد يومين من التحليل الاول
وطلعت حامل
الحمل الثاني حملت بس فجئه سبحان الله بدون متابعه او اي شي
بس كانت الدوره عندي متلخبطه واخذت منظم للدوره لانها اتعبتني وحملت على المنضم
سبحان الله
الاعراض الي مريت فيها ..
نزول دم يوم ويوم لا
يعني وقت الدوره نزل معي دم خفيف
واليوم الي بعده لا افراز بني وانا وقتها انقهرت قلت اكيد فيه شي
وكان وقت رمضان وقلت مستحيل افطر نص رمضان لازم اروح المستشفى
اشوف نفسي
ورحت المستشفى وعملت تحليل وطلعت حامل وعمر الحمل شهرين ونص
سبحان الله وانا ماادري وكنت اقول ان الدوره ملخبطه ووووو بس الحمد الله

اليوم انا الدوره متأخره عندي 4 ايام
واحس بأعراض وش كثرها ولي 3 سنوات ارجو الله سبحانه وتعالى اني احمل واجيب
بنوته والى اليوم انا حاسه اني حامل بأذن الله وان شاء الله مااحتاج لاي مراجعه للدكتور
وهذي قصتي مع الدكتوره
يبنات انا بعد ما جاتني اخر دوه تحديدا اليوم الحادي عشر من الدوره رحت المستشفى
دخلت على دكتوره مع الاسف مع الاسف مع الاسف الشديد انها بنت بلد(سعوديه)
طبعا مش كل الدكاتره متل بعظهم اصلا هذي الدكتوره لا تمس للطب بصله
شرحت لها وضعي واني ابي اكون اسره واني عندي ولدين والحمل تأخر
وش ممكن نعمل
ووووووالخ
بنات والله والله انها قامت تستهزء علي وقالت احنا ما نسوي اشعه للمتابعة التبويض
بس نعمل متابعه اذا بتحتاجين ابر ؟كلا مها بوادي والطب عندها بوادي
هذا وانا اقرى كثير عن هذي الامور فهمتها وهي طايره
والادهى والامر انها تقول لي ليه جــــــــــــايه العيادهماادري انا الدكتوره
والمصيبه اقولها احس بحرقان اكرمكم الله وافرازات خضراء
قالت اطلعي على السرير نكشف عليك تخيلو سوت لي كشف بدون اي ماده مسهله لدخول اداة الكشف بنات انا انجرحت من داخل وانا ساكته قلت خلني اشوف وش اخرتها
ودعيت عليها وانا على السرير في قلبي..وقالت ما فيك اي شي
راحت تغسل يدها وانجرحت (سبحان الله الله اعلم بنيتها)
المهم وصفت لي تحا ميل مضاده ؟؟طيب اذا انا على قولتها ما فيني اي التهاب على اي اساس تكتب لي تحا ميل
طلعت من عندها مقهوره

وهذي قصتي

بنات ادعولي اكون حامل
موفقون ذن الله ... لكم مني أجمل تحية .