اغلبية النساء الي قابلتهم كذا هل انتي منهم؟؟؟

[انا المستحيل]

بسم الله الرحمن الرحيم
شي لاحظته لما كنت بالمستشفى ولما دخلت المنتدى في اغلبية النساء اذا ماهو كلهم
تعتبر حملها بالبنت مو حمل واذا حملت بالولد تعتبره حمل حتى لما تسئليها كم عندك تقول ولد
واخر شي تذكر ثلاث بنات والوحده اذا جابت ولد تسمن وتقول انها قبل ماشافت خير ليش كذا عبالكم اذا جابت الوحده ولد يزيد غلاها عند زوجها اقسم بالله قالها ابوي اللي مايغليك لذاتك مايغليك لولدك
ياما حريم عندهم عيال وازواجهم زي الزفت معاهم
ووحده حيل زعلت منها كاتبه موضوع ان عندها ثلاث بنات وهذا الحمل البنت الرابعه كأنه حامل بمصيبه لاحول ولاقوة الا بالله يعني لو عندها ثلاث عيال اشقياء وهذا الرابع ماعندها مشكله
طيب الحمدلله اهم شي انهم بصحه وعافيه ماهم معاقين ولامتشوهين ثلاث بنات زي القمر وهذي الرابعه يشلوني اذا تنفست يخدمون البيت حنونات
اعرف ناس وحده عندها ست عيال كلهم مدمين مخدرات اقسم بالله ودايما يضربوها وهربت من البيت وهربوا وبناتها وسكنت بصندقه وعندهم اختهم من ابوهم تتعرض لانتهاكات لايعلم بها الا الله تبغي اولاد كذ ياللي ماتبغي بنات
واعرف ناس عندهم 11 بنت ماشاء من احسن الناس وضع شروا لابوهم سياره الي ممرضه واللي مدرسه مصلحهم الله
انا متفهمه انا الوحده تبغى عيال يعزونها بس صدقيني ربي مايعطيك الا الاصلح لك ولافيه احن من البنات يشلوا هم اهلهم اكلو شربوا مين نظف بيت اهلي ولا الاولاد ولاهمهم
وعلى قولة المثل (من هناه زمانه اجا بناته قبل صبيانه)
اتمنى انكم تستفيدوا مع خالص حبي

[انا المستحيل]

يالله ولا رد اهم شي انكم استفدتوا

[قرعوطه]

كلامك صحيح اختي تخيلي اخت زوجي تقول انا اذا جاء لاخواها ولد بتسوي اكبر حفله استقبال وعقيقه ماصارت بالعايله اما اذا جاه بنت وسكتت
عاد انا انقهرت وصرت اجمع من مصروفي الخاص وابسوي لبنتي حفله استقبال اذا الله احياني وعافني وياها ماصارتت شنو ذنبها المسكينه وهي بنت اخوهم الاولى ويقولوا كذا وهي ماجات اجل اذا جات وش بيسوو فيها
حتى زوجي كان يقول انا راضي بالي ربي كاتبه لي وبعدين جلسنا نسولف قال الرجال الي ماله ولد ماله هيبه ولا له عز عند الرياجيل اما الي يدخل المجلس مع عياله الكل يحسب له الف حساب تضايقت من تفكيره بس سكت شسوي

[دانة...]

يارب لا تحرمنا لا من البنت ولا من الولد الصالحين سليمين الصحه والعافيه يا الله

[روح زوجي]

معاك حق اختي ماقلتي شي غلط كثير من الناس تفكيرهم كذا
والله البنات بركه وانهم احن على الاهل من الاولاد

الله يرحمنا برحمته ويكتب لي ولكم الخلف الصالح

[ميمو07]

يوه الله لايجعلني من الحريم اللي يفكرون كذا بالعكس اعششششق البنات عشق مو طبيعي والحمدلله زوجي بعد كذا مثلي والله يوم سويت سونار قالو لي بنت جاني ضحكه هستيريه من الفرحه ربي يتمممم فرحتي يااااارب والله خالتي عندها 7بنات وولد والله مانفعها الا البنات مدرسات 3ويعظونها مصروف شهريا والولد متعبهم

[زوجي جنة دنيتي]

والله ياحبيبتي احنا للاسف عقليتنا مازلت رجعية

انا من اول ماتزوجت وحلمي اجيب بنوتة

حملت بعد عشر شهور من زواجي وربي راد احمل بولد

طبعا زوجي فرح وانا ماسخطت الحمدلله ودحين حامل وان شاءالله بنوتة يارب

البنات هم عزوة اهلهم كذاب اللي يقول الولد سند والله الولد

حدوا بس يتزوج ينشغل عن اهله ببيته

امكن ربي حرمهم من الاولاد لانه عارف انه بيضرونهم بدنيتهم واخرتهم

سبحان الله مافي ارحم من الله بعباده وهو اللي يعلم الغياب

بنت ولد ماتفرق المهم الذرية الصالحة

والله في ناس محرومين وعمرهم راح بانتظار كلمة بابا ولا ماما

[كشه ناعمه]

معك حق اختي بكل كلمه صح لسااانك...
واسمحي لي بمداخله تضايقني
يعني الهم مو بس اذا كانت بنت تزعل لا في ناس الصراحه تفكير ما ادري كيف اعتراض على الخلقه!!! يعني في بنات الله يهديهم يكتبون مواضيع "ابغى تجاربكم بخلطه الحمل بالولد"!!!!!! يعني وصلت ان الوحده قبل ماتحمل حتى تختار الي تبيه بكيفها؟!! ويردون يقولن انا كنت اسوي كذا وكذا وجبت منها ولد >يعني كن الخلطه والطريقه كونت لها ولد مو من ربي!
ولله ثم ولله ثم ولله ان مافي شيء اسمه طريقه حمل ببنت ولا ولد او تغذيه معينه شفت برنامج على التفلزيون دكتوره صرحت ان مافي اي طريقه للحمل بأنثى او ذكر وتحديد النسل.. تقول هاذا من الله مع تطور العلم وتقدمه حتى يعجز عن التدخل في تحديد الجنس.. ليش نروح لكلام بشر مذكور بالقران"لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاءُ يَهَبُ لِمَنْ يَشَاءُ إِنَاثاً وَيَهَبُ لِمَنْ يَشَاءُ الذُّكُورَ " واضحه الايه يعني الانسان مايغير كتبت ربي
والي تقول لا حملت انا من بعد ماتبعت طريقه كذا وكذا هاذا كان شيء ربي كاتبه لك من دون خلطات وغيره.. لاتحطي السبب منها لانها من الله........

[בـّكاية ξـشْق]

اتفق زوجان في الصباح التالي لعرسهما أن لا يفتحا الباب لأي زائر كان..

وبالفعل جاء أهل الزوج يطرقون الباب

ونظر كل من الزوجين لبعضهما نظرة تصميم لتنفيذ الإتفاق ولم يفتحا الباب

ولم يمض الا قليل حتى جاء أهل الزوجة يطرقون الباب

نظر الزوج الى زوجته فإذا بها تذرف الدموع

وتقول والله لا يهون علي وقوف ابواي امام الباب ولا افتح لهما

فسكت الزوج واسرها في نفسه وفتحت لأبويها الباب

ومضت السنين تلو السنين

وقد رزقوا باربعة أولاد

وكانت خامستهم طفلة

ففرح بها الأب أشد الفرح وذبح الذبائح

فسأله الناس متعجبين فرحه هذا الذي غلب على فرحه بأولادة الذكور

فأجاب ببساطة

هذه التي ستفتح لي الباب


هدي القصه للعبره مافي احن من البنات ربي لايحرمنا وجودهم
بس ع قول جدتي لازم ملح للاخوات <<الملح الولد ههههههههه

[ام هيثووووم]

والله كلمه صح لسانك قليله
الله يهديهم شفت مواضيع بالمنتدى اقسم بالله استفزتني
يعني بس شقول
والقهر فيه ناس يردون عليها ويسانعونها
واخر شي رديت برد برد خاطري
يمكن كان قاسي شري بس ماقدرت اتحمل
البنات خير ونعمه ومثل ماقلتوا البنات هم اللي ينفعون اهلهم اذا كبروا بعكس الولد
والحمد لله ع كل حال المهم الخلقه السليمه
يارب يسهل علينا ونجيب عيال سليمين معافين وهذا اهم شي
بس موضوعك رائع وان شاء الله اللي من هالنوعيه تحاول تغير نظرتها شوي