افيدوني وريحوا قلبي

[مريم العزاوي]

السلام عليكم
انا اخر دورة شهرية كانت 12 / 10 / 2012
عملت تحليل يوم 12 / 11 طلعت حامل وبعدها بيومين عملت سونار ما بين الكيس بس مجرد تثخنات بعدها باسبوع عملت سونار ثاني بين الكيس بس ما بين الجنين والطبيبة قالت اني في الاسبوع الخامس وقالت تعالي بعد 3 اسابيع بتكوني في الاسبوع الثامن ونشوف
بعدها باسبوع رحت على غير طبيبة وعملت سونار عندها وايضا ما شافت بس الكيس وقالت اني في الاسبوع الخامس
هل هذا يعني انه ما في حمل ؟؟ مع العلم اني للان لم ينزل علية دم وعندي كل اعراض الحمل تقريبا
افيدوني وريحوني فانا محتارة وخايفة جدا لانه حملي الاول

[منييرة]

حبيبتي عادي بالأول يبين بس الكيس و بعدين يبين الجنين صغير داخل الكيس طولي بالك و حاولي ترجعي للطبيبة بعد ثلاثة أسابيع و إنشاء الله حامل الغالية

[شيوخه11]

لسه بدري يالغلا لاتفكرين
وانتي حامل ولا كيف طلع كيس الجنين

[اماااني]

اختي جدا طبيعي ما يبين الحين عشان جدي قالت لج عقب 3 اسابيع لا تعرضين نفسك للتفكير بياثر على البيبي الله يثبت حملك

[مريم العزاوي]

اشكركم كثير والله طمنتوني يارب يثبتلي حملي وحمل كل البنات ويرزقكم الذرية الصالحة

[نبع المحبة]

الله يثبت لج حملج ياارب ونصيحتي لج لا تسوي وايد سونار يعني تروحي لدكتورة واليوم اللي عقبه دكتورة ثانية هالشي غلط اثبتي على دكتورة أو 2 ولا بتحتارين بين كلامهم وإن شاء الله فالأسبوع الثامن ببين الجنين