هل من تفسير

[om-moe]

مرحبا يا بنات

انا ادري احنا الحوامل سوالفنا و احلامنا ما تخلص لين نولد انشالله.... وانا بنص الثالث وهذا اول ياهل لي بس وايد احلم احلام غريبه ما اعرف اذا كانت تدل على اني حامل بولد ولا بنت او يمكن لها معاني ثانيه والله واعلم بس بقولها لكم و فيدوني

انا حلمت اكثر من مره اني انخطب وابي اتزوج على زوجي اوكي هذي يعني ولد
احلم عندي صندوف فضي كبير و هذا يعني بنيه
احلم اني لابسه فسان عروس وتفسيره ولد
واحلم اني لابسه فستان احمر يعني بنيه
امس حلمت بحيه صغيره بفراشي مادري شنو
دايما احلم اني لابسه جوتي (حذاء) عزكم الله بس مافي لون معين يعني مره كان الاسود ومره ابيض مره رمادي

كلا احلم بشباب ما اعرفهم يتحرشون فيني

يلا تعالو ندردش فيدوني وللعم كل احلامي الفجر قبل الصلاة

ناطره ردودكم

وشكرا

[امجااد]

مااعرف بتفسير الاحلام
لكن هذا اتوقع حديث نفس يمكن انتي تفكري كثير

[أريج الياسمين]

شوفي اختي يمكن أتجي الأحلام مثل مايقولون من ككثرة التفكير اب جنس الجنين

بس من نحايتي انا وهاي ثاني حمل لي والاول كان بنت كان خاطري في ولد هالمره مع ان عقلي يقول ييبي بنت

مع كل هذا أنا دوووم احلم احلام تتعلق بالبنت سبحان الله مادري ليش حالتي خاصه هههههههههه

حتى رفضت اسوي سونار قلت خلاص احلامي علمتني جنس الجنين والسلااااااااااااااام

[om-moe]

اخت امجاد شوفي في احلام صج اقول لا هذا لاني افكر بس احلام لا لها معنى اكيد

اخت اريج الله يرزقج ما تتمنين انشالله ويرزقنا جميعن يا رب

شاكره مروركم

[happy girl]

حبيبتي انا سنعت انه مجرد صدف اذا تحققت مرة سمعت شيخ يقول كل حلم عندة اكثر من تفسير
والقليل الي تحققت احلامهم و عموما الحامل كثيييييير تحلم وهذا يمكن من كثر تفكيرك بالبيبي وش جنسه وامتى بولد و كيف راح يكون
وكثر هذه السوالف عند الحامل يخليها تحلم

[حيآتوو]

انا احلامي من قبل حملي شيي
وبالسونار شي ثااني

ولازالت الاحلام تعاكس كلام السونار مع اني شفت بعينيي
صراحه مشككتني بعمري

[om-moe]

هابي قيرل انا مرات اقول جذي بعد

حياتو عيل معناته صج من كثر ما نفكر بالياهل هههه

شاكره مروركم

[حيآتوو]

لا والله مقتنعه بالسونار واقضي
يعني شايله من بالي فكره جنس البيبي
بس مدوختني .. ساعات اقول واذا ضبطت!!!

مع اني سمعت ناس تقول مو شرط حلمك يدل ع هالبيبي
يمكن اللي بعدوو