شيخوخة المشيمة

[مـــــآسة]

السلام عليكم .. كيفكم بنات

انا اليوم رحت للدكتورة اكشف عادي وقالتلي عندك شيخوخة بالمشيمة
اتركي الكالسيوم فورا وخذي اسبرين
قلتلها لها ضرر قالت لا بس مفروض ماتشيخ من الحين وانتي بالسابع وهذا بيأثر على وزن الجنين

بس لما جيت وجلست ابحث بالنت واقرأ احس خفت مرة وخلقي ضاااق
والكل يقول انه شي خطير لكن الدكتورة اببببدد مابينت ممكن موحابة تخوفني لكن ماقالتلي تعالي راجعي وماعطتني اهمية

طمنوني بالله احد صارله نفس هالشي ماني قادرة اجلس صدعت من التفكير ومتضايقة مرة
انا بالأسبوع 30 وبكرية

[بنت أبيها]

اسال الواحد الاحد

ان يثبت حملك وحملناااا

لا تخافي اختي توكلي علي الله

وربي انا مثلك بكريه

بس حبيت ارفعه بدعوه

بيض الرحمن وجهك

[مـــــآسة]

الله يسعدك يارب ويسهل امورك ويرفع قدرك اختي ..

بنات محد مر بهالتجربة ابد

[عالي سماها]

انا مثلك بس دكتورتي قالت مافيه خوف اذا المويه والدم

يوصلون للجنين زين بينتظرون عليك يمكن للاسبوع 36

وتشوف اذا حجم الطفل صار زين ولدوك

وانا ماقالت لي اغير ادويتي مع العلم ان حبوب الحديد

تاخذيها بعد الغدا مثلا والكالسيوم قبل العشا بالليل لازم*

[خفايا الدنيا]

ما عندي فكرة
الله يتمم حملك ويقر عينك بشوفة طفلك يااارب

[نادرة]

الله يحفظ لك جنينك ان شاءالله ، توكلي على الله

حاولي تسألين كذا دكتوره عشان تتطمنين اكثر .. مابي اخوفك صراحه بس اذكر وحده من زميلاتي توفى جنينها قبل موعد الولاده بإسبوعين بسبب شيخوخة المشيمه وقالوا لها المفروض مولدينك بدري قبل التاسع ، بس هم ما خبروها عن مشكلتهاا الا بعد الوفاة ، يعني زين انهم خبروك بدري عشان كذا اسألي اكثر من دكتوره لو تحتاجين تولدين قبل التاسع
آسفه والله مابي اخوفك بس قلت حرام اسكت وانا اعرف وحده كذا ، ياارب يحفظ جنينك ويبلغك شوفته على خير

[مـــــآسة]

عالي سماها .. مشكورة حبيبتي وبالنسبة للكالسيوم قالت وقفيه لأن الشيخوخة عبارة
عن تجمع كلس على المشيمة وبروح ان شالله بكرة لدكتورة ثانية واشوف ..


خفايا الدنيا .. الله يسعدك يارب مشكورة اختي

نادرة .. لا بالعكس اختي كويس انك بلغتيني عشان اشوف وحدة ثانية واتأكد ..انا ابببد والله ما ارتحت لكلامها
الله يجزاك خير ويسعدك

لاتنسوني من دعوااااتكم

[هدوء احساس]

الله يستر عليك

[*ام هيمن*]

ماعندي علم بالموضوع
الله يثبت حملك وتولدين بسلامة يارب

[مـــــآسة]

مشكورين خواتي على المرور

الله يسعدكم