الجميع يبحث عن علامات الحمل المبكر قبل الدورة

[حامل نيو]

السلام عليكم ورحمة الله
طبعا أنا جديدة بالمنتدى
ومن زمااااااان ودي أسجل فية بس قلت خلي لين احمل ثم أكتب تجربتي مع سوالف الحمل
لي سنة ونص متزوجة والكل عارف ضغوط الاهل بالحملة وش فيه ليه تأخرت ومن هالسوالف ومن سنة ونص كل ما قربت تجي الدورة فتحت النت وقعدت ادور علامات الحمل المبكر قبل الدورة ويا كثر ما لقيت وبصراحة كل موضوع أقرأه أحس بالعلامات وأحسب اني حامل وحتى أحس بالوحم واكره القهوة وكلها كذب بعد فتره من الأوهام تشرف ست الحسن واتضاييق واكتأب وحالتي حالة حتى اني اروح المستشفى اسوي تحليل تتخيلوا
ورحت للمستشفى اسوي فحص والتأكد اني بخير والحمدلله قضيت رمضان بين المستشفيات وأكثر شي يقرف الواحد هذا الكشف خاصة اللي بعد الجماع بععععععععع الله يعين الحريم والله يتعبون
وبعده قلت لو ماحملت بعد رمضان بروح للمره اللي تمرخ وجا العيد وجدت ست الحسن ع أخرها رحت للمره العجوز وقالت ان الرحم نازل ومرختني ثلاث أيام وقالت لا تشرين الحليب و البيبسي لا تسألوني ليه يمنعني من الحليب ما ادري يمكن في بطني غازات
وجدتني الااااااا م الظهر وشد بعد اسبوع او أسبوعين من الحمل وصار عندي جفاف بالمنطقة وخفت أكون ضريت نفسي وان المرة ما تعرف تمرخ الموهم رحت للمستشفي
وقلت للدكتورة تأكدي ان الرحم موجود لا يكون العجوز سوت به شي بس ابشركم طلع بمكانه
و ع بالي اني حملت وتأخرت الدورة 15 يوم وصرت اخطط اجيب شغالة والصدمة لما جت
قلت خلاص ما عاد ابي أفكر فيها يمكن عشان التفكير ومتى الحمل هو اللي أخرني وما حملت وحاولت قدر اﻻمكان اني ما أفكر حتى كنت أقول زوجي لا تسألني عن الدورة وجاء موعدها هذا الشهر وتأخرت بس سكت وما حبيت اتكلم لين التأكد وانتظر العلامات اللي يقولون ما فيه ولا شي الشي الوحيد اللي لاحظته والى الان مبهزلني الصوت اللي البطن مع اني مو يوعانه ولا ابي الحمام بصراحه الصوت كان يجيني قبل الدورة بيوم بس ما يطول بس هالمره طووووول وفشلني
والشي الثاني جاني غثياان والاحساس بالقرف اللي يجي قبل نزول الدورة بسساعة او ساعتين وما نزلت هنا شكيت بس قلت ما ابي استعجل خل اصبر كم يوم .......
معليش دق الجرس الفسحة الحين بعدين أكمل المووووووووضوع