قصة ولادتي ب((سلمى))حبيبة مامتها

[البدور123]

بسم الله الرحمن الرحيم

السلام عليكم ورحمة الله وبركاته الحمدلله الحمدلله حمد الشاكرين الذاكرين..مساء الفل ي كروشات كيفكم اخباركم...

اليوم بعلمكم بقصة ولادتي الي بفضل من الله كانت هينه لينه ..ماانكر ان كان فيه الم بس سرعان مازالت بعد نزول امورتى وحبيبتى ((سلمى))..
كان يوم الجمعه غير كل الايام بتاريخ 27/11/1433هجرري..كنت بذاك اليوم احس بمغص والم لكن توقعت انها الالام الاملاح والتهاب المسالك ..فطنشت وعشت يومي عادي لين جاء وقت صلاة العشاء ..دخلت اوضي واصلي وينزل مني افرازات واطنششش قلت املاحالمهم واروح اصلي العشاء وكانت امي جاسه تتقهوى وبتطلع مع خواتي للسوق واجي اصلي ماقدرت فيه شي ضاغط نزول تحت تحت كأني راح ابول ع نفسي وانتم بكرامه قلت يمه انا تعبانه قالت وش فيك قلت يمكن املاح قالت اييييييييييييييييه املاح اجل هايلاه يلاه نبي نروح للدختور قلت لا لا بصلي قالت صلي وامشي واصلي العشاء وانا اعررررق واعررررق بشكل مبالغ فيه كني متسبحه ..يوم خلصت واجي اجلس قلت روحو للسوق روحو انا في املاح قالت امي براحتك واحس بشي ينزل مني بقوة واروح ركض ادخل منديل والقى كمية دم كثيرة مره وانادي امي قلت نزل مني دم قالت وتقولين املاح هاه ههههههههههههـ
امشي امشي ونروح وطول الطريق اقولهم ادعو لي ادعولي قالو انتي دعاك مستجاب ادعي انتي ههههههههههههههههههههههههههههـ ..وحنا في الطريق ادق على ابو الشباب قلت تعال انا بولد قال الله طيب طيب جاي جاي..وادخل الطوارى حقت الولادة ويحطون على اجهزة التخطيط وكنت خايفه وارتفع ضغطي 177 المهم وانا منسدحه واحس بحاجه قالت بق بشكل قوي وينزل مويه وانادي الممرضهقلت تعالى في شي قال بق ..ونزل مويه قالت بلهجتها كلاااااص هادا ولاداااا...وتدخل يدها تلقاه مفتوح اربع سنتي ...للان والالم يروح ويجي خفيف نوعا ما ليييييييييييييييييييين حطو الطلق الصناعي ووووووووووووووووووواا بغيت انجن من قوة الالم قلت خلاص بطلع للبيت خلوني اروح المهم انواع الهواش بينا لين جات الطبيبه المناوبه قالت ع الساعه وحده راح تولدين قلت تكفين ابي الحمام قالت لاااااااااااااااااااااااااا هذا ولاده وتدخل تفحص تلقاه مفتوح 7 سنتي قالت يلا ولاده قومي لغرفة الولاده وامشي وانا ميته من الخوف والالم ويجلسوني ع ذاك السرير المقطوع ويعلقون رجولي وتبدا الدكتورة تشتغل وتسوي تحفيز بيدها يارحمان يارحيم ..لين ربي يسرها وطلعت امورتي بعد ماطلعت فوقي الممرضه ودفعتها باكواعها من عند ضلوعي نزولا
لتحت لين طلعت الشيخه وكانت شرقانه بالمويه ومابكت لين طقوها ع ظهرها وتبدا تصييييييييييييييييييييييح ياروح امها ربي يحفظها ويبلغني برها..وحجمها صغنون مره بصراحه مدرى كيف كنت بتعامل معها ..لولا مساعدة ربي ثم امي الله يخليها لي ..اكثر حاجه تعبتي الخياطه ووللان تعورني الله يعينوسلامتكم كلكم الله يبلغكم ان شاء الله بولادة سهله هينه لينه وتفرحون بأطفالكم