أجهضت و أنا ما أدري إني كنت حامل .. الحمدلله

[Rawano]

السلام عليكم ورحمة الله وبركاته ..
..
أخواتي فاكرين لمن جيت استشيركم عن أعراض وجدتها و بعضكم قال لي إنها أعراض حمل و عملت تحليل بول منزلي وطلع سلبي ..

..

وفات على موعد الدورة يوم و نص أو يومين بعدين جاتني الدورة غريبة و قلتلكم خلاص مني حامل جاتني الدورة ..
( كانت عبارة عن نزيف معاه قطعة متكتلة دم بس شكلها مرة غريب أول مرة تسير معايا قلت يمكن لأنها أتأخرت أو لخبطة هرمونات مع إنو الحمدلله دايماً منتظمة ..
أنا دورتي 4 أيام ينزل دم و 3 أيام إفرازات بنية زي القهوة بعدين سابع يوم القصة البيضاء ..
دي المرة 3 أيام دم أحمر غامق مع ألام فالبطن و الظهر لا تطاق .. و بعدين معد جاني أي حاجة و اليوم السابع إللي المفترض إنو يوم طهر زاد المغص و نزل إفراز ثخين مطاطي أحمر فاتح مرة غريب شكلو .. يعني مانزلي طُهر ..)
..

قبل أسبوع تقريباً .. عيني اليمين سار عليها غشاوة و ماأقدر أشوف فيها .. راجعت دكتور العيون هلكني تحاليل لمدة 3 أيام و حولني على كذا دكتور باطنية و كلى وعظام .. و برضو تحاليل لمدة 4 أيام تانية ..

..

و وقتها قالوا لي كنتي حامل و نزل الحمل لأن مناعتك ضعيفة .. والحمدلله على كل حال .. ( كنت أقعد من الصبح إلى الليل ما أشتهي أكل حاجة فاقدة شهيتي تماماً .. وده إللي زود فرصة إصابتي بالفايروس ) و الفايروس إسمو " سيتوميجالو فايروس " و يجي للحوامل إللي مناعتهم ضعيفة و جسمهم فيه أجسام مضادة .. تطرد الحمل و تمنع نموه ..

..

و ده الفيروس إللي سبب لي إلتهاب في شبكية عيني و تعبني .. لأنو ممكن يستقر فالمخ أو العين أو القلب أو العظام أو أي ممكن و الحمدلله جات على كده

..
دحين بأستخدم إلى جانب الأدوية عسل مع حبة بركة لزيادة المناعة و الله يشفيني و يشفي جميع المسلمين
..

ده المختصر قلت أقلكم إيش سار معايا و ياريت لو وحدة جاها الفيروس ده أو عندها أجسام مضادة تفيدني .. نسبة الأجسام المضادة عندي 13 و هي في نتيجة التحليل لو أقل من 4 معناتها سلبي .. أنا عندي عالية 13 ..

..

وشكراً لكم و عذراً ع الإطالة

(( اللّهم آرزُقني نفساً مُطمئنة .. توقنُ بوعدكَ .. و تُسلّم لأمركَ .. و تَرضى بقضائكَ ))