لكل من ابتليت بتكيس المبايض مثلي (قصتي) ادخلي نستفيد من بعض

[ريوف2011]

السلام عليكم ورحمة الله وبركاته*
اولا اسأل الله الذي لا اله الا هو سبحانه الذي له ملك السموات والارض ومن فيهن الذي احسن كل شي خلقه*
ان يمتعني واياكم بالصحه والعافيه وان يشفينا ويشفي مرضى المسلمين من الاسقام والامراض يارب انك قادر على كل شيء سبحانك ماالطفك سبحانك ماارحمك سبحانك ماأجودك لا اله الا انت استغفرك واتوب اليك*
واسألك ياالله ان ترزقني وترزق اخواتي المنتظرات للحمل في هذا المنتدى الحمل السليم الكامل المعافئ عاجلا غير آجل وان تمن علينا بالذريه الصالحه*
وصل اللهم وبارك على حبيبك محمد افضل الخلق وخاتمهم*

حبيباتي واخواتي*
ابتلاني الله بهذا المرض والحمدلله على قضاءه*
لي الآن سنه و3اشهر من الزواج وانا اعاني من التكيس*
بدايه المعاناه
لخبطت دورتي قبل الزواج بشهر بعدما كانت منتظمه لقرابة السنه بنفس اليوم تجي قد تتأخر يوم او تتقدم يوم *
لكن قبل الزواج بشهر تقريبا تأخرت شهر واسبوع*
واهملت ذلك لظروف الزواج وانشغالي*
بعد زواجي ب3 اسابيع نزلت الدوره مؤلمه ثم تأخرت 5 ايام الشهر اللي بعده*
واللي بعده 7 ايام ثم 10 ثم 11 وهكذا اصبحت تأخر كثيرا 18 يوم شهر وشهر ونص وهكذا*
ذهبت للدكتوره بعد مضي 5 اشهر ع الزواج تقريبا*
بعد تأخر الدوره مايقارب 10 ايام بدون حمل وكانت الدوره علي وقتها*
سوت لي تحليل *دم طلع هرمون الحليب مرتفع شوي صرفت لي منظم للدوره ودونتكس احس هي اللي سببت لي التكيس*
من بعدها بدأت اشعر بنغزات بالمبيض الايسر*
كثيرا خاصة فترة الاباضه او منتصف الدوره*
والم ثم انتفاااخ بالجانب الايسر جهة المبايض رجعت لها وقلتلها ع الالم سوت لي تصوير بالسونار وقالت لي المبايض سليمه بعدين قالت لا فيه تكيس وتليفات بالرحم عندك*
ومااعطتني اي علاج الا مسكن للالم فقط*
وبعدها بفتره رجعت لها لتأخر الدوره صرفت لي بريمولت لتنزيل الدوره*
والالم الى الآن موجود وخاصة قبل نزول الدوره بثلاث او اربع ايام يشتد لدرجة ابكي من الالم*
واعرف ان الدوره بتنزل قريب
اخواتي*
ابغى نستفيد من بعض نحط ايدينا بيد بعض*
ونشوف ايش الشي اللي سويتيه وحسيتي التكيس خف معااك*
اتذكر خلطه سويتها حسيت ان الدوره انتظمت بعدها شهر وبعدين لظروف السفر مارجعت لها
وتلخبطت الدوره مره ثانيه *
بس ابحاول ارجع لها وانتظم عليها يمكن يتحسن عندي التبويض ويزول التكيس
راح اقولها ان شاء الله اذا حسيت فيه تفاعل من الاخوات معاي*
حااااااليا*
قبل رمضان كشفت بمستشفى آخر بجده*
سويت سونار*
طلع عندي تكيس ولحميه او تليفات بالرحم وحجم التليفات واللحميه كبير وماصرفت لي الدكتوره اي علااج له قالت انتطري نزول الدوره وسوي تصوير يمكن تكون هذي اللحميه اوساخ من الدوره السابقه*
ونزلت الدوره بعد البريمولت
ثم سافرت وتأخرت الدوره كعادتها اكثر من شهر وتركتها قلت تعبت منها متى ماتنزل تنزل*
بس رحت لحرمه شعبيه وكشفت علي*
قالت مافيك شي الا دم متجمد واعطتني اعشاب آخذها وقت الدوره*
المهم*
من الطرافه*
كنت العب مع ولد اختي اركض وراه وقلت بنفسي ماني حامل ولاشي لاني سويت تحليل منزلي طلع سلبي
يابنت اركضي بس واروح جري معاه بالحوش*
المهم يمكن 3 او 4 دقايق بس*
واحس زي الم الدوره خفيف ورطوبه*
واروح الله يعزكم استكشف الامر الا الاقي افرازات بنيه ممزوجه بحمره خفيفه *واستبشرت خير الحمد لله واخيرا شرفت الهانم مابغت*
الحمد لله وبديت بالعلاج اللي اخذته من الحرمه بعد نزول الدوره*
وكانت كمية الدم قليله كالعاده بس زادت نسبيا مع شرب الاعشاب وصارت تنزل مني الله يكرمكم قطع بس مو كثير لمده يومين الحمد لله*
وبعدين خف الدم تدريجيا*
رحت سويت سونار بعدها لقيت الحمد لله التليفات خفت بالحجم ع كلام الدكتوره صغرت 1 سم*
الحمد لله اعتبرتها بشرى خير*
والتكيسات باقي يبغالها شوي*
سويت تحاليل هرمونات سليمه الحمد لله*
ماعدا التبويض ضغيف*
صرفت لي الدكتوره *
لايبوسينول لخفض الوزن مع ان وزني مو مره زايد وقالت هذا للتكيس عشان يخف*
وفيتامين ه او فيتامين e *
وكليمن الحبوب البيضاء بس اشربها
البنيه ارميها
وبعد البحث عرفت انها لتعويض هرمون البروجيسترون تبع التبويض*
*
وقالت لي راح نبداخطوه خطوه مع بعض*
الصراحه ارتحت مع هذي الدكتوره وراح ابدأ معاها علاج ان شاء الله*
المهم كل وحده فيكم ابتلاها الله بها المرض ابغاها تكتب قصتها وكلنا نواسي ونشد يد بعض وتكتب ايش استخدمت من ادويه واستفادت او لا منها *
*
*واللي تمر ع موضوعي مااطلب منها الادعوه*
تدعيها لي ولأخواتي بالشفاء من التكيس وان الله يرزقنا الحمل السليم والذريه الصالحه*

اتمنى ماتنقلون موضوعي لاي قسم لان هذا القسم اكثر شي يدخلوه الاخواااات
رجااااااااء الله يسعدكم يارب

وسامحوني ع الاطاااااااله*
احبكم في الله*