لا تعتمدي ابدا على التحليل الهرموني لكشف الحمل

[Nawarati]

السلام عليكم
انا عضوة جديدة هنا كنت اقرأ داااائما من مواضيعكم ثم وجدت وقت و احببت ان اشارككم


بدايــــــــة ً انا انتظر الحمل بإذن الله تعالى و املي بربي كبير جدا
و كنت اتصفح منذ فترة في النت وابحث عن التحاليل وكشف الحمل والتحاليل الهرمونية ولفت نظري موضوع مهم و نقلته كما هو من صاحبته في أحد المواقع واحببت ان اشارككم فيه لعل هذا يعيد الأمل الى اخواتي المنتظرات للحمل ايضا
>>>>>
لسلام عليكم يا احلى بنات قررت اكتب لكم على قصة حملي الثاني علشان محدش ييأس
انا مقيمة في الامارات و عندي نور عمرها سنتين و تمن شهور
و بقالي فترة انا وزوجي مقررين الحمل بس مكانش بيحصل
المهم اخر دورة جت لي بتاريخ 6 -3 و بعدين انتظرتها 6-4 مجتش
عملت اختبار منزلي 11-4 طلع سالب
عملت مرة تانية يوم 20 -4 طلع سالب
رحت للدكتورة يوم 28-4 قلتلها انا الدورة متأخرة ومفيش حمل
عملت لي سونار مظهرش كيس حمل و قالتلي عندك تكيس على المبيض اليسار و هاعمل تحليل دم نتأكد ان مفيش حمل
طلع نسبة هرمون الحمل في الدم صفر يعني مفيش حمل
عطتني دوفاستون لمدة 10 ايام علشان ينزل الدورة وقالتلي بعد ال10 الايام بكام يوم هاتنزل الدورة
اخدت الدوفاستون 10 ايام و خلص و قعدت منتظرة الدورة مجتش برضه بس بدأت تجيلي اعراض غثيان و دوخة و قيء و الم في الصدر و بعد اسبوع اتصلت بالدكتورة قالتلي لو مجتش بعد اليوم العاشر تعاليلي علشان اعرف السبب
واليوم العاشر لقيت جوزي جايب اختبار منزلي و بيقوللي جربي والله شكلك حامل قلتله انا اصلا معادي مع الدكتورة بكرة قاللي جربي بس مش هانخسر حاجة
و فعلا طلع خطين
و رحت بعدها للدكتورة قالتلي اني حملي حصل متأخر سبحان الله
بس الغريب ان الكل بيقول ان التحليل الرقمي او الهرموني بيبين الحمل حتى لو حامل في يوم لانه بيطلع نسبة هرمون الحمل في الدم
انا عملته و الدورة كانت متأخرة عندي 22 يوم و طلع صفر و مفيش كيس حمل في السونار كمان بس الحمد لله
و ربنا يرزقكم جميعا بالذرية الصالحة عاجلا غير اجل ان شاء الله
----------------------------------------------------------------------------------
نقلتها للفائدة و ارجو ان تدعو لي بالذرية الصالح وتيسير أمري كله عسى ان تكون ساعة استجابه
شكرا لكم حبيباتي