محتاجة نصيحتكم بحبوب الكلوفاج أو أي شي مفيد للحمل بتمنى عليكم تجاوبوني

[جورية شامية]

مرحبااااا يا أحلى صبايا بالكون
والله يابنات ما بتردد أبدا اني اسألكم لأني بحسكم أخواتي
وبعرف انو رح تجاوبوني و تطمنو قلبي
الله يجبر بخاطر كل وحدة مشتاقة للحمل و يفرح قلبها بالذرية الصالحة
طبعا انا متأخرة بالحمل الحمدلله على كل حال .. و مرتفع هرمون الحليب معي و هالشهر عم عالجو
بإذن الله هالفترة حابة انو أعمل كل شي بقدر عليه
الله يهديني الفترة اللي مضت ماكنت عم تابع حالي ولا حاولت شوف دكتورة بس الله بيعلم اني كنت متوكلة عليه واكان مناسب انو نجيب بيبي الحمدلله هلأ الوضع صار أحسن و مناسب
سؤالي هو : رفيقتي نصحتني بحبوب كلوفاج (تبع السكر) قالتلي انو تفيد التبويض كتير و كمان تنزل الوزن
وكمان بدي اسألكم سؤال يا خبيرات انا الشهر الجاية رح كون مسافرة وبعيدة عن زوجي شو بتنصحوني أعمل هالشهر لتنشيط التبويض و شو في أدوية غير الكلوميد طبعا (حابة خليه آخر احتمال) بتفيدني ..؟؟؟
اتمنى من كل وحدة عندها خبرة تجاوبني و الله يرزقها الحمل السليم المعافى
واللي مابتحب تجاوبني كمان بقولها الله يرزقك الحمل و الذرية الصالحة