قصة ولادتي بحبيب قلبي ((كرم)) وغباء دكتورتي

[شاطئ القمـر]

يسعد صباحكم ومساكم خواتي

وعدتكم اخبركم قصة ولادتي بحبيب قلبي ونور عيني ((( كـــــرم))) بموضوعي

هنا http://forum.hwaml.com/t112778.html

المهم يوم الاحد 06|05|2012 رجعت من الدوام المسا وكان فيني تعب شديد وارتخاء بكل جسمي بدا معي مغص خفيف لا يذكر بصراحة ما اهتميت للموضوع مع انه دكتورتي كانت مخبرتني انه اذا ما ولدت يوم الثلاثاء 08|05|2012 بشكل طبيعي رح تولدني بعملية لانه البيبي كان راسه لتحت بس مو نازل بالحوض ((طبعا طلعت كذابة كمان شوي بخبركم السبب)) المهم انا اكلت وقعدت ادردش شوي مع اخي عالسكايب واحس بالمغص يروح ويجي عالخفيف بعد ما انهيت الحديث مع اخي قلتله خلص بروح انام وترا لا تفقدني اذا ما كلمتك هاليومين بكون ولدت خخخخخ طبعا كنت بمزح ما بعرف رح تقلب جد الشغلة وكانت الساعة تقريبا 12 بالليل.

الساعة 12 بدا معي وجع نفس وجع الدورة باسفل الظهر البطن والفخاذ بس كان عادي ومحتمل وكان يستمر تقريبا دقيقة بس المشكلة لما كان يجيني الوجع ما اقدر انام لازم اقوم عن التخت وامشي وكان لما يجيني الوجع اخد نفس طويل وكنت ادعي واستغفر طول الوقت بعد فترة حسيت انه الوجع منتظم صرت اراقب الوقت عالساعة لاحظت انو الوجع يجيني كل 20 دقيقة بالضبط عرفت انه طلق حقيقي وكنت احس طول الوقت اني بدي ادخل الحمام وانتو بكرامة.

استمر الالم من الساعة 12 للساعة 3 ونص الصبح بس كنت متحملة الوجع الحمدلله وقررت اخد دش ساخن فعلا اتدوشت لمدة 20 دقيقة بالضبط بماء ساخن وكنت طول الوقت اخلي الماء الساخن على بطني واسفل ظهري لما انتهيت من الحمام حسيت بافراز ينزل مني كان شفاف مرة ومعه خيوط دم احمر عرفت انها سدادة الرحم لاني قرأت عنها كتير بالمنتدى وبعد الحمام صار الطلق كل عشر دقايق منتظم وزادت حدته عن قبل وقتها صحيت امي من النوم مسكينة قلتلها خلص شكلي ولادة قامت مفزوعة مسكينة صلت الفجر ومباشرة طلعنا عالمشفى طبعا اجوني طلقتين وانا سايقة السيارة بس مشي الحال ووصلنا المشفى بسلام <<عرفنا انه معك سيارة خخخخخخخخخ المهم اول ما دخلت الطوارئ قالو على قسم الولادة بس وصلت سألوني شو صار معك طبعا خبرتهم قصة حياتي قالوا يلا على جهاز الطلق طيعا نبض الجنين كان واااااااضح مرة ومنتظم وكل شي تمام بس ما بين طلق بالجهاز استغربت دكتورة الطوارئ وقالت اني متأكدة انه معك طلق؟؟ قلتلها اذا لشو انا جاية عالمشفى المفروض انا يللي اسألك بس بدكم الصراحة انا بس وصلت المشفى راح مني الطلق <<< الخوووووووووف وقتها قالت يلا فحص داخلي وعند الفحص لقت التوسع عندي صار 5 سم تبارك الرحمن استغربت وقالت يلا اتصلوا بدكتورتها حالة ولادة والسسترات استغربو مني لاني الوحيدة بالقسم ما صحت ولا رفعت صوتي بس طول الوقت كنت اخذ نفس وادعي واستغفر << اقسم بالله مثل السحر جربوها بنات نصيحة من اختكم.

طبعا بس وصلت دكتورتي قعدت اضحك <<طبعا مع الوجع , قلتلها شفتي دكتورة ابني ما بدو ينزل بعملية هيني جيتك بحالة ولادة طبيعية وقتها هي اتغير لونها وقالتلي لا تستعجلي خلني افحصك اول طبعا فحصتني داخلي وطلعت روحي من الالم المهم الا تقول ولادة توسع 8سم صار ماشاء الله بس تقول الراس بعده فوق مو نازل بالحوض رح نتغلب شوي بالولادة انا سمعت هالكلام وصرت ادعي ربي يسترها معي ومع ابني وقامت فجرت مية الراس حسيتها حامية ونقلوني مباشرة على غرفة الولادة.

طبعا هون بدت المعاناة صارت تقولي ادفعي احاول ادفع ما اقدر وهي تقول لسه الراس مرتفع كتير اجو سسترات 2 وصاروا يضغطوا على بطني على امل ينزل راس البيبي بالحوض طبعا وصارت دكتورتي تقولي يلا ساعديني لانه بدا نبض الجنين يقل وصار خطورة عالولد وسمعتها تطلب طبيب اطفال تقول ابيه بسرعة وبعدها غيبت عن الدنيا.

صحيت بعد ساعة او ساعتين مو ذاكرة والله <<ما لحقتي تنسي المهم احس بطني واسألهم اذا انا ولدت قالو ايه ولدتي قلت اذا وين ابني قالوا بخير قلت المشيمة نزلت؟<<اما فاضية انتي قالوا ايه.

طبعا اخذت وقت لحتى صحصحت منيح ونقلوني على غرفتي ولما حلفت امي تخبرني شو صار قالتلي الولد تعبان شوي ويمكن يحتاج دم وحطوه بالخداج وما قالت اكتر من هيك.

انا ولدت الساعة 7 الصبح وما قدرت اشوف ابني الا الساعة 7 المسا سمحولي اشوفه لانه كان منظره يحزن وما بدهم اشوفه بحالته هذي واللي اكتشفته بعد ما صحيت انه الحبل السري كاين لافف 3 لفات على رقبة الجنين ودكتورتي كاينة تعرف بالموضوع لهيك كانت بدها تعمل عملية قيصرية واتفاجأت لما رحتلها بحالة ولادة ولما شافت الامور تعسرت بنجتني بالكامل حتى ما اعرف شو بيصير وشفطت الولد شفط حسبي الله عليها وبقي ابني بالخداج يومين ولحد الان تعبان كان لونه اسود من الشفاط وغير جرحتني جرح كبير بحجة بدها تساعد الولد يطلع وهلا الي 9 ايام والدة والصفار عند ابني مرتفع كتير صار 15 ونص الله يشفيلي ياه.


بعرف خواتي طولت عليكم بس حبيت اخبرتكم تجربتي بالولادة وانه الطلق وجع مقدور عليه وانه الولادة تساهيل من رب العالمين بس نسيت اخبركم شي لما حمي معي الطلق اكلت اربع قطع اناناس معلب والحمدلله كان طلقي محتمل جدا ولا تنسوا التنفس والاكثار من الدعاء والاستغفار.

اهم شي حبيب قلبي كرم بحضني هلا عقبال كل الكروشات الله يكرمكم بولادة سهلة ويعطيهم لكل محروم.

[مجنون فيكـ]

ياااربي وش هالدكتوووره الدلخه

المهم الحمد لله سلامتك والمهم كرووم بحضنككك

ويااارب يسهل لي و الكرووشات الي بالمنتدىى قوووو اميين

[&&جلنار&&]

الحمدلله على سلامتك وسلامة كرم..
كله بأجره عند ربي..احتسبي الأجر
و الصفار ان شاء الله ماهي مشكله كبيرة يعني شيء مقدور على علاجه إن شاء الله
الله يشفيه لك يارب..ويحفظه ويهديه ويجعلة قرة عين لوالديه
والدكتورة حسابها عند رب العالمين

[أسـماء]

بكيت كتير كتير ,,,
الف سلامه عليه يا عمري ,.

ربي يقومني بالسلامه ويكون ابني كامل الخلق والخلق وما يحتاج شيء الله يستر انا ابني نازل كتير ومحتاج ابر الرئتين بس ربنا مو رايد اخدهم يا رب افرجها وممكن ولاده مبكره ميته من الخوف ع ابني يا رب استر يا رب

[أم رنيم وسديم1]

الف الحمد لله ع سلااااامتك والف مبروك يتربى كروووم بعزك ودلالك

[magnum44]

الحمد لله ع سلاآمتكك حبيبتي
وسلامة القمر كرم الله يحفظه لكم ياااارب
والف الف مبروووك
قصت ولادتك اعطتني امل ان الولاده ان شاء الله
ما تكووون صعبه
ودعواتك لي ان الله يسرها لي يااارب وللجميع الكروشات

[دلوعة الشهري]

يتربى بعزكم ياقلبي

وعقبالنا يارب


ويارب سهل عليناااا

[ام اسكندر]

بالعكس الدكتورة ماشالله ماحبت تقلقك

انتي بحالة طلق وولادة مانتي ناقصة وجع نفسي واخبار سيئةلذلك اخفت عنك

المهم حمدلله ع سلامتك

والف مبروك ع المولود

[*عذبة الروح*]

الف مبروك يتربي بعزكم يارب
الله يكتبلك الاجر يارب

[شاطئ القمـر]

مشكورات كل الحلوات يللي قرأوا قصتي وردوا على موضوعي

الله يرزقكم هون الطلق وحسن الخلق

والله خواتي بدون مبالغة وانا اولد دعيت لكل الحوامل عندنا بالمنتدى الله يرزقهم ولادة سهلة ميسرة ويرزق كل مشتهية الحمل السليم

الله يخليكم خواتي بعرف غلبتكم بس بدي اسألكم ابني سرته ملتهبة ولحد الان ما نزلت وعم يطلع منها قيح اصفر الصراحة كتير خايفة شو بتنصحوني اعمل؟