تم قبولي بمستشفى الملك خالد الجامعي متابعه حمل لكن سؤول للمتابعات ضروري

[دلوعه 1]

مرحباً بنات ،،،
الحمد لله تم قبولي بمستشفى الملك خالد الجامعي بالرياض متابعه حمل ،،
لكن السؤول رحت قسم المواعيد لأخذ موعد متابعه حمل أولي عطوني موعد بعد شهرين !!
يا بنات من الي متابعه حمل بالجامعي وأعطوها موعد متأخر. ياليت تعلمني او طبيعي
علما بأنني في الأسبوع العاشر ولا سويت اي تحليل دم ،، بس مستمره بحبوب الفوليك فقط
هل فيه تحاليل دم ضروري اسويها او انتظر لموعدي
وياليت تعلموني وش افضل طبيبه

[عشرينية]

والله انا اللي اعرفه ان المستشفيات الحكومية مايعطوك موعد شهري الا اذا عندك مشاكل بالحمل
غيره لا

[حرم العز]

هلا حبيبتي انا كنت اراجع في خالد

بس رحت لهم عالشهر الرابع

والمراجعات كل شهر بعدين في التاسع كل اسبوع

فاتوقع اجلوك عشان الزحمه ولانك توك في البداية..

الله يسهل لك ويهون عليك ... دعواتك لي بالشفاء ..

[HRH]

غريبه لازم تحاليل دم انا توني بالثاني وعطوني تحاليل وشكثرها ومراجعاتي كل شهر والتحاليل قبل الموعد بـ10 ايام بس مو نفس المستشفى تبعك الله يتمملك على خيريارب

[دلوعه 1]

المشاركة الأصلية كتبت بواسطة حرم العز

هلا حبيبتي انا كنت اراجع في خالد

بس رحت لهم عالشهر الرابع

والمراجعات كل شهر بعدين في التاسع كل اسبوع

فاتوقع اجلوك عشان الزحمه ولانك توك في البداية..

الله يسهل لك ويهون عليك ... دعواتك لي بالشفاء ..

أختي حرم العز .. ياليت توضحين اول موعد لك متابعه حمل أولي متى عطوك بعد شهرين
انا وقت الموعد الي سلموه لي بكون وقتها على بدايه الشهر السادس انتي مثلي
لآني ما أدري استخدم حبوب الحديد من الرابع او انتظر الى الموعد وتحدد الطبيبه

[أم حمودي وعبودي]

كذا المواعيد في المستشفيات الحكومية إلا إذا عندك مشاكل في الحمل

[حرم العز]

المشاركة الأصلية كتبت بواسطة دلوعه 1

أختي حرم العز .. ياليت توضحين اول موعد لك متابعه حمل أولي متى عطوك بعد شهرين
انا وقت الموعد الي سلموه لي بكون وقتها على بدايه الشهر السادس انتي مثلي
لآني ما أدري استخدم حبوب الحديد من الرابع او انتظر الى الموعد وتحدد الطبيبه

هلا حبيبتي ..

لا انا عطوني موعد بعد شهر علطول ..

لكن الكلام هذا من اربع سنين

يمكن الحين لانه ازدحم صارو يأخرون المواعيد

بالنسبة للحبوب .. روحي لعياده صغيره وعاد اساليها وتطمني عالبيبي

لين تروح لموعد مستشفى خالد