تعبااانه وانا في بداية المشوار

[وجع الإنتظار]

السلام عليكم هاذي اول مشاركه لي في هذا المنتدى حبيت ابداها معكم عن مشكلتي انا صار لي سنتان و4 اشهر متزوجه في بداية زواجي كنت امأجله فكرة الحمل الى ان اخلص دراسه في الجامعه وكل من يقول لي ان شاءالله نشوف لك ضنى اقول لهم لا الى ان اخلص جامعه بس ماخذت موانع قلت اذا حملت فهذا من عند الله مو معارضه على قضائه بس اذا ماحملت ماراح ادور في المستشفى على علاج الى ان اكمل سنتين مع اني بس خلصت سنه على جوازي حسيت بحنين للأطفال خاصه من بعد ماشفت الي تزوجوا بعدي احملوا بس ماقدرت اروح اراجع اكشف لاني اولاً ادرس مو فاضيه للعلاج والمواعيد و ثانياً انا ادرس في مدينه بس شقتي و زوجي في مدينه ثانيه مانلتقي لا4 ايام في السبوع فماطولها عليكم نطرت لين خلصت سنتان وخلصت اختباراتي ورحت اراجع عند الدكتوره اشجان من كثر المدح الي سمعته فيها دخلت عندها وقالت لي شنو عندك قلت لها بس استغربت اكثير اني خلال كل هالمده ماراجعت ولادكتوره المهم انها اكشفت و صدمتني قالت لي انه حجم البويضه عندي 8 بس مت من الخرعه حيييل الحجم صغير مع اني رايحه عندها يوم13 من الدوره عطتني فيتامنات فاسودي وكلوميد اذا جات الدور طلعت من عندها منهاره وزوجي يهديني وانا اصيح حسيت نفسي ناقصه واقول ياربي ليه كل صديقاتي و بنات عمي احملوا طبيعي من غير علاج ليه بس انا بس بعدين استغفرت ربي وحسيت انها وسوسة شيطان المصييه الثانيه انه زوجي راح يكشف بعدي ب اسبوعين و كان عندي امل كبير انه يكون ماعنده مشاكل يكفي الي فيني بس كتبت ربي اطلعت النتيجه تخوف اكثر من نتيجتي عدد الحيوانات امنويه عنده 100 الف بسسسسسسس جاني قالي الخبر و طلع راح دوامه بعدها انهرت بكي كان هذا الخبر اليوم
ابي اسألكم في و حده حالتها مثل حالي وحملت وحجم البويضه 8
ولا زوجها مثل هالحاله وتعالج وكثر عددهم مع العلاج
احس نفسي لسى في بداية المشوار ماخذت شهر من بداية المراجعات والمواعيد والتحاليل واحس مشواري للحلم طوووووووووويل يا رب الهمني الصبر على كلام الناس و نظرات الشفقه من عيونهم
زين تحملتوني ماعندي احد اشكي له غيركم من بعد الله