الكحه متعبتني ساعدوني

[فضه]

انا في الشهر الاول من الحمل وفيني كحه قويه مع بلغم عطوني المستشفى مضاد بس ما اكلته ابي مساعدتكم بعلاج طبيعي تكفون

[شـوآخـي]

الزنجبيل والشاي الاخضر حلوين

الزنجبيل مادري اذا يضر او لا

بس الشاي الاخضر انا مداومه عليه كل يوم

والله يشفيج يارب وتقومين بالسلامه

ومبروك الحمل

[بناتي حبيباتي]

حبيبتي الله يشفيك
حسك عينك تاخدي مضاد بهالفتره وابعدي عنه ع قد ما تقدري
واحرصي ع تناول الفوليك اسيد
اما الكحه انا عانيت منها بحملي بشكل فظيع
اخدتلها الليمون الحامض مع رب(بضم الراء) وهو تمر بس سائل ومعه حلاوه شاميه, وساعات عالريق اخد ليمون مخلوط بزيت زيتون وملح, وداومي عليهم مع الدعاء
الله يعينك
الكحه من شدتها عندي لين صار عندي الم وشد بالبطن
والحمد لله زالت عني
فلا تخافين

[حبيبت حبيبي]

تدفي والبسي زين وابعدي عن المكيف ولا تشربين شي بارد معافيه

[حبيبت حبيبي]

سمعت ان الشاي الصيني يسبب تشوه للجنين

والزنجبيل حااار

بس النعناع حلو لو تسوين شاي منه

[يارحيم تمم لي بخير]

اذا مضاد امن للحامل مافيه مشكله انا اخذته مع شراب مضاد للسعال لان الكحه مو بزينه للحامل والزنجبيل ابتعدي عنه

[احلى وردة]

بنات دكتورة ما راح تصرف شي يضرها او يضر الجنين
انا على الجميع حملي تزيد عندي حساسية الصدر من بدايتة الشهور الاولى وعادي اتصرف لي دكتورة مضاد وشراب كحه وتعطيني احيان ابرة عشان تخف عندي الكحه واللهم لك الحمد عيالي سالمين غانمين لانها راح تعطيك اخف نوع في مضاد الحيوي ........
وغير كذا الكحه ممكن تسبب لك الالتهاب الرحام وينتج عنها الالم شديد ما راح تتحملية ....

اهم حاجة اذا عندك عسل اصلي كل يوم على ريق ملعقتين مع ماء دافي وليمون ....
واذا ما عندك عسل افضل عسل الغابة السوداء كبديل عنه .......

[رييف]

ياحيااااتي لا تشكين وابكيلك
انا مثلك لازمتني كحه شديده من الشهر الاول
الى الرابع والاغلب قالو انهااا وحااام
تعالجت والله بالمستشفى افظل من الاعشاب وغيرهاااا لان من شدة الكحه ينقص الاوكسجين ولازم مغذي عشان الجنين
روحي لدكتور مختص وربي اني اكلت ادوية بالهبل وضربت حتى الابر
ومستودعته ربي اهو الحافظ سبحااانه
والحمد لله ع كل حال

هذا رابط كتبته ايام الكحه الله يبعدها عني وعن الجميع يااارب


http://forum.hwaml.com/t99389.html