الحمدلله فرحاانة طلع مافيني تكيس

[يوكيكو]

السلام عليكم خواتي

انا اليوم فرحانة ومبسوطة لأني راجعت ولأول مرة عشان تأخر الحمل وكنت خااايفة يكون عندي تكيسات لكن الف الحمدلله الدكتورة فحصتني وطلع الرحم والمبايض سليمين بدون مشاكل
باقي نتايج الهرمونات باجر تطلع قالت لي يمكن هرمون الذكورة مرتفع عندج شوي عشان عندي شعر زايد لكن مدام مو مأثر على دورتج ومنتظمة يعني مو مشكلة
وعطتني حبوب جلوكوفاج وفولك اسد فقط
باقي زوجي يحلل وياربي يكون سليم ان شاء الله

نسيت اقولكم اني متزوجة من سنة ونص ودورتي منتظمة الحمدلله لكن للحين ربي ماكتب يصير حمل

الله يرزقني ويرزق كل محرومة يااارب

[نفسى أسمع كلمة حامل]

السلام عليكم
الحمد لله رب العالمين وأن شاء الله نتائج تحليل زوجك تكون جيدة ويا رب يرزقك الذرية السليمة وصالحة

[بسمة أملي]

اللهم لك الحمد حتى ترضى ولك الحمد بعد الرضا ولك الحمد اذا رضيت

[تــوفي]

حمدلله ربي يرزقك بالحمل وان شاءالله تطلع نتايج زوجك مافيها شي

[السعاده بطاعة الله]

ماشاءالله تبارك الله ويارب يارب يارب تطلع نتايج زوجك سليم ويرزقكم ربي احلى ذريه ياكريم

[أماني جميله]

ماشاء الله الله يفرح قلبك بالحمل
لكن ليش أعطتك جلوكوفاج وانتي ما عندك تكيس
الجلوكوفاج يصرف للي عندهم تكيس

[يوكيكو]

[quote=أماني جميله;2315217]ماشاء الله الله يفرح قلبك بالحمل
لكن ليش أعطتك جلوكوفاج وانتي ما عندك تكيس
الجلوكوفاج يصرف للي عندهم تكيس[/q

تسلمون حبايبي الله يسعد قلوبكم
اختي اعتقد عشان عندي شعر زايد الظاهر ينزل هرمون الذكور

نتايج هرموناتي طلعت اليوم والحمدلله كلها طبيعية
بس هرمون lh مرتفع شوي نسبته 9 بس قالت ان عادي واتوقع الجلوجوفاج ينزله

الله يرزقكم ويرزقني بالحمل الثابت السليم يارب

[درين]

حمدلله ربي يرزقك بالحمل

[نرمين حسام]

الحمد لله حبيبتي ارتحتي من هاالهم ،،
انا دورتي منتظمة بس عندي تكيس الله يرزقنا جميعا بالذرية الصالحة ...