محتاجه افضفض لكم ولا بانجن

[مرحه رغم الالم]

سلام صبايا اخباركم

انا مدري اذا مره شفتوا مواضيعي ولا لا

بس ابي افضفض لكم محتااجه اخوات يفهموني ويرفعون من معنوياتي

انا سبق وقلت انا عندي نزيف الاستحاضه وانا بنت مو متزوج تخيلوا لي 11 سنه وانا كذا
وتعبت حييل ونفسيتي اكثر المشكله قبل كنت اشغل نفسي بالدرراسه واتعلل باي شي عشان مافكر بالموضوع وكنت اشوف صديقاتي وقريباتي ماااشاء الله تبارك الله اللي تتزوج واللي تنخطب وقلت ياشيخه دراستك اهم اشغلي نفسك المهم خلصت دراسه والحين عاطله بالبيت واتعبني التفكير بدورتي والزواج وخصوص ان صديقاتي واقاربي كلهم مااشاء الله تبارك الله تزوجوا وانشغلوا بحياتهم واللي سحب علي واللي ماتبي وحده مو مخطوبه ماتفهم بامور الزواج واللي ماعزمتني ع زواجها مدري ليش وانا ماهمني احد بس افكر بنفسي لو الله كتب الله نصيبي شلون بيرضى فيني زوجي احس اني نااقصه او ماستاهل الزواج وحده مثلي المفروض ماتفكر ابد بهالشي واحيان ابكي اقول اشفيها اذا تزوجت والله جتني نفسيه من هالدوره

ودوم اسمع تحطيم من الاهل اللي يقول شلون تتزوجين وانتي كذا ولابيتزوج عليك ولابتتطلقين ومن بيرضى بوحده مثل النفااس وهالشي يبكيني حيييل الله ابتلاني بمررض مزمن وش اسوي مابقى مستشفى مارحت له ويقولون مافيني شي والحيين براجع دكتور للمره الاخيره وباشوف وش بيطلع معااي وانا بديت ارقي نفسي والحمد لله يارب

اللي ابيه منكم ردود ترفع معنووياتي وتتوقعون في احد بيرضى بوحده مثلي