نفسيتي دمار بعد الولاده

[حزن1]

ارجو مساعدتكم
انا لما جيت اولد طفلي الثالث
السستر خلت الطفل هو الي يوسع من نفسه
وعند طلوع الراس
تخيلو دخلت اصابعها في المهبل وتسحبه على تحت عشان يطلع النونو
كنت احس بالموت واحس المهبل قاعد يتقطع
وبالموت طلع الجنين
خيطتني وانتهى الموضوع
اهلي جم عندي وكل يوم اختي تقولي اربطي بطنك وانا اقولها
لا لاني سمعت الرحم يطيح
المهم صرت كل مادخل الحمام وانتم بكرامه احس رحمي بيطيح وثقل فظيع
بعد 10 ايام من الولاده جت اختي تقولي نصيحه اربطي بطنك
لانه شكله فظيع لان جاني قولون مع الحمل وكبر بطني بس على بالي من الحمل
ولما اختي شافتني معنده
قالتلي على المصيبه
قالت ان زوجي يقول قدام امي والله انا شكلي بسافر مصر
من دون انا مدري
يبي يتزوج كم يوم ويستانس
وامي قالتله ليه ياحبيبي وشفيها بنتي
قالها بصراحه بنتك صايره عجوز ماعاد تنفع
وانا شكلي في هالحمل مره وع

انا سمعت السالفه والدنيا بدات تدور فين
وحسيت كنه احد طقني بشاكوش على راسي
قعدت 5 ايام ابكي
واروح اسئل زوجي تحبني
يقول واموت فيكي

وودي اقوله السالفه بس خفت يحقد على اهلي
في الاخير تكلمت
قلت انا صابره عليك ومستحمتلك
وبالاخير تقول عني كذا
انصدم
قالي اعوذ بالله اهلك هذولي خرابين بيوت
وقام يقسم بالله انه يمزح
اااه يابنات بموت قهر بموت حسره
وشوفو المصيبه الاكبر
بعد ماطلعت من النفاس البطن انتفخ
وكني ماولدت
والوزن زاد بطريقه فظيعه
والاهم ان الممرضه حسبي الله عليها طلعت مخيطتني من برا بس ومن داخل ماخيطت
خلت الدنيا بحر من داخل
وزوجي طبعا متضايق
والمتضايق وش يسوي
يفكر بالزواج
قلت للدكتوره مافي حل
قالت احملي وعند الولاده يتصلح الوضع
بس ماقدر احمل ولدي صغير
انا تعبانه ماعاد استحمل
قاعده افكر انفصل عن زوجي بكرامتي
قبل لايجي ويقول بوجهي بكرا زواجي
وافكر احمل
واصلح الاوضاع
بس انا في كل حمل ازيد 6 كيلو
وانا وزني زايد الحين 23 كيلو عن الطبيعي
مدري كيف احل هالمشكله

وهل لو حملت اقدر اخليهم يخيطوني من داخل عادي ولا لازم عملية تجميل
تكفون ساعدوني

[قشطه وعسل]

حبيبتي وليش تحملين
اناخالتي ماتخلف دايم تحمل وتسقط
بس تسقطهم كبار يعني يحتاجون قص ولزق
وحملت 12 مره ولاعاش لها ولا واحد وقرر زوجها يتزوج
المهم تزوج الأخ وراح شهر العسل مع زوجته وخالتي انتهزت الفرصه
وراحت سوت خياطه تجميليه وتقول رجعت كني بنت
عادي روحي مستشفى خاص واطلبي خياطه تجميليه ليش تحملين عشان تعدلين خياطتك
هاذي أول مره اسمع بها
والله يسخر زوجك لك ويستر عنه عيوبك ومايشوف انثى غيرك
بالتوفيق حبيبتي

[Kma]

حبيبتي صارحه قلبي معاكي بس يمكن أنتي مكبره الموضوع ولكن بنسبه لجسمك والوزن عليكي تأكل أكل صحي وإذا ترضعي بيرجع وزنك ينزل من نفسه وأهم شي تمشي الصباح قبل الريوق ربع ساعه كافيه وبنسبه للخياطه روحي خامس يوم الدوره عند دكتوره شاطره تسويلك العمليه تجميله في العياده ماتأخذ وقت وعليكي بعد العمليه تترتاحي والأفضل يكون زوجك مش موجود على الأقل شهر ولازم تهتمي بنفسك شويه من لبس ومكياج وماتخليه يشوفك مش مرتبه وحاولي تنظمي وقتك وتهتمي فيه أكثر لنا في سمينات بس والله حلوات وإدعي ربك أخر الليل أنه يسخره ليكي ويهديه وتحياتي

[هَـــتّآنْ]

يسسسسساتر
مايصير كيذا ياعمري التفاهم زين
يعني كل حرمه تمر بهذا الشي الاليم هو مايفكر انو روح طلعت من روح شي عظيييييييييييم انجاز
هم همهم نفسهم وبس
ليييييييييييييييييييييه تخلينه خير بعد 3 اطفال يروح لا والف لا والاطفال عند مين بيكونون اهتمي بنفسك ورياضه وانصحك بمويه الزهر مع مويتك العاديه كثير يمدحونها للتضويق

الله يكون بعونك

[حزن1]

قشطه وعسل
ماقدر اسوي تجميلي لان التجميلي ماتقدرين تنجبين بعده
وانا ناويه اجيب بااذن الله بس موالحين لان الظروف ماتسمح

كما
حاولت اسوي رجيم بس نفسيتي تعبانه
والاكل يسبب فرحه لي
وبما اني لاحظت ان زوجي قاعد يفكر في الزواج صرت اكل عشان نفسيتي تعبت
افكر واكل
انا عندي اطفال موطفل واحد وكلهم صغار
اهتم فيهم ولابالبيت ولابنفسي ولابزوجي
مافي وقت غير اني تعبانه وصحتي تسؤ يوم بعد يوم
الله يفرجها

هتان
الرياجيل لويحسون بالي يصير بالولاده كانو يرحمونا
انا اتعب وتطلع روحي عشان اجيب طفل ومعاناه تسع شهور
وخياطه والم نفاس
واخرتها البيه يفكر بالزواج لمجرد اني سمنت وصرت وسيعه
والله حرام القاها منين ولامنين
طيب موية الزهر هي نفسها موية الورد ولا

[بنت الخليج.]

حياطة تجميلية الحل لمشكلتك

[سلوان]

ياقلبي الله يعينك ويصبرك ويحنن قلب زوجك عليك الرجال يبغون اطفال بس مجرد مايصير للحرمه شي بعد الولاده يفكرون بنفسهم بسسسس

ياقلبي تنقعي بمره واشربيهااا هي حلوه للتتضييق والله يسخر زوجك لك ان شاء الله

[طفلة النساء]

خييييطي خياطه تجميييليه

وانحفي !