وش رايكم فيني يابنات

[سفوني]

صباح الخير....

بنات انا حامل في السابع....وان شاء الله الي في بطني ولد

يارب لك الحمد....

المهم ...اي احد يسالني عن الجنس اقوله الصدق...

المهم...بعد فترة قالتلي
صديقتي انتي خبله ...ليه تعلمين بالجنس بتصيبك عين وتسقطين....

والناس بيحسدونك...ومن هالكلام....

حتى اختي تقول ليه تخبرين الناس....

مع العلم انها اختى ماتعلمني وش ببطنها...ولا اعرف الا بعد ماتولد....

بس انا عادي عندي اعلم ....وش يعني ....



وش رايكم انتم......

[حكآية عشق]

والله حبيبتي انا مثلك كل من يسالني اقوله الصدق
قسم احس لاجيت اكذب وجهي يصغر <<خخخخ
وانا بعد قالو لي ولد وامي نفس كلام صديقتك واختك
تقول لا تقولي لأحد ... انا اشوفها عادي

[ام ميزو وعبودي]

انا اشوفه عادي

بس لما امي تخاف وتقول لا تعلمي احد اشيل هم واندم اني قلت

بس يعني شي معروف يابنت يا ولد على ايش الحسد

[نسمات هادئه]

عادي .. انتي عوذيه واستودعيه الله صباح ومساء وبأذن الله مايصيبه شي الأ اللي ربه كاتبه

ربي يحفظه ويحفظك ..

[مهرة]

اوقات يصير احراج لما احد يسال وماتقولي الحقيقه تعرفي الناس يحبوا يعرفون صعب انك تكذبي علشان كذا انا اشوف انها عادي توكلي ع الله واللي بيجي او يصير اكيد هو الخير

[حـورية]

عادي يعني في ناس محرومين من البنات و في ناس محرومين من الاولاد و في ناس محرومين من العيال ع هالحال ما كنتي شفتي و لا حامل ولدت الا كان كل الحوامل سقطو توكلي على الله و اقرئي الرقية الشرعية و ما عليك من كلام احد

[انا المستحيل]

اصلا وقاحه نفس سؤال الناس ايش دخلهم عمري ماسألت احد ايش ببطنك حتى اختي ما احبيت اعرف كنت بس ابغاها تقوم بالسلامه وماعرفت الا لما تولد
يا اختي انتي قلتي الحين اتوكلي على الله واستودعي ربك بس لاتكرريها لعين حق والحسد موجود بقلوب البشر مو كل الناس يبغو لك اخير

[سفوني]

جزاكن الله خير يابنات

ماقصرتن ربي يسعدكن....

بس انا بديت اوسوس...واقول ليتني ماتكلمت ولا علمت احد.....

[دنيا جديدة]

أنا ما بقدر و لا بحب اكذب بأيا شي
و بستودع جنيني و حملي عند رب العالمين و بقرأ المعوذات باستمرار و ما تيس من القران و ربي قادر يحميني
يمكن حدا يدعيلك دعوة خير بظهر الغيب ليش تخبي
و ربنا وزع الأرزاق بين الناس و ما حدا أحسن من حدا بشي الا بالتقوى
أنا هاد رأيي

[ام واحبتها]

طبعا اللي الك نصيب فيه رح تشوفيه بجميع الحالات
والله انا فضحت الدنيا من اول ما عرفت نوع الجنين
والكل يحكيلي ليه وليه
بس مابحب اكزب
واما بنعمه ربك فحدث