ياحوامل ابي خبرتكم ونصااايحكم بليييز /يارب يهون على كل من ترد علي

[بريداويه..]

السلااااام عليكم ورحمة الله وبركاته

ردوا السلام ياحبايب ...

انا عضوه جديده هينا ...

احتاج نصايحكم وخبراتكم لاني ماعندي سالفه احاول يصير عندي سالفه بس ماعرف

المهم ..

انا قبل كم شهر حملت وماكانت افهم صراحه يعني احسبه عادي ..
اروح السوق واناقز وكل شي اسويه زي يوم اني مو حامل ..

المهم قدر الله اني نزل معي دم الاسبوع السادس واحسبه عادي قلت شكل الدوره نست اني حامل <~ مفهيه البنت

كنت رايحه السوق وامشي بسرعه ومن بكرى صارت الاعراض معي رحت الاسعاف حق الولاده الدايخ وقالت ارتاحي وخوذي المثبت
قلت الى متى طيب اصير كذا قالت لين تنتهي الاعراض ويتوقف النزيف

قلت طيب يومين وقف الدم وقلت خلاص يعني اوقف المثبت تركت الحبوب من نفسي وصرت اشتغل بالبيت

<<< قسم بالله الجهل لاعبن فيني وماعندي احد يفهمني صح ..

والله ماعرف بعذري ...

وكان معاي التهاب من بداية الحمل والدكتوره الدايخه تقول عادي ماياثر
لين صار صديد وصل 70
وانا مدري وش السالفه


والشكوى لك ياربي اسبوع وتوقف نبضه .. ولاادري وش السبب ؟؟
واختكم مادرت الا بعد ثلاث اسابيع يعني نهاية الثالث

.. طبعا صياح وحالتي حاله
لكن الحمد لله راضيه بقضاء الله وقدره وان شاء الله مايروح الاجر
مدري حسيت اني تعلقت فيه


ونزلت بالدارسين جلست اشربه طول الليل والفجر بدا الطلق معاي والله لا يوريكم اللي شفته نزلت الجنين وبقت المشيمه وبغيت اموت من الطلق ونزيف شديد الحمام بحر احمر وكتل دم كبر اليد بحياتي ماقد شفت شي زي كذا ..

وانا بكريه وش يعرفني قسم بالله انادي امي اقولها عادي كذا الدم وتدخل امي بسرعه
تقولي الاسعاف ...

واروح وانا دايخه ومافيني وربي ان الممرضه تدخل معي الحمام واحس معي قطع كبيييييييره دم تنزل معي ..

وانا جد منهاااااره واحمد الله على كل شي جلست اربع ساعات بطلق لان الرحم ماتنظف من بقايا الجنين وكنت شاربه كمون وميسون عمليه لين ينزل المويه اللي بجسمي ..

تمت عملية التنظيف والحمد لله
طبعا فقدت دم كثير ... الحمد لله الحمد لله الحمد لله على كل حال ...
بعد ماحللوا الجنين قالت الدكتووووره انه ملتهب وفيه حراره !

اللي ابي اعرفه هل التهاب المسالك يسبب اجهاض ؟؟؟؟
لاني حامل الحين قولوا امين الله يتمم علي وعليكم ..
وانا بالاسبوع التاسع ماشاء الله ويارب يتمم حملي يارب..

وابي اقولكم الاعراض وعلموني طبيعيه ولا لا ..

من بداية حملي الى حد الحين معاي الام زي الدووره والم اسفل الظهر يتعبني بالجلوس الطويل مره يولع ..
وهالوضع مره يقعد اسبوع وانا حالتي حاله همن يخف كم يوم ويرجع

واحيان لمن اكون بالحمام الله يكرمكم بعد ماخلص اتنشف من المويه يطلع معي بالمنديل افراز اصفر لزج وفيه نقطة دم مختلطه شي بسييييط يعني صاير لونها وردي بس قدرت اميزها ..
وبالكلوت مايطلع معي بس مجرد ماامسح يطلع معي هالاصفر !!

والدم ثلاث مرات صار لي بايام متفرقه ..

وماحس انه التهاب مهبل لانه الكلوت غالبا يكون مافيه شي طول اليوم بس عند المسح ؟؟

من صار لها كذا وهل الشي طبيعي ولاا يخوف ...

الغريب اني سئلت الدكتوره مااهتمت للشي هذا رغم انه ماشافته ..

بنات بليز طمنووووني والله جد الوسواس يلعب فيني لعب ..

وش تكون اعراض بداية التهاب المسالك ؟؟
لان احس جنوبي توجعني بعض المرات ..

وكيف اعالجه لان كلام الدكتورات دهور حالتي بالاول !.

واحس بنغزات اسفل البطن احيان والام مكان المبيض اليمين ومره اليسار وحيل يتعبني ...
مع العلم اني سويت تحليل هرمون حمل وياربي لك الحمد قالت زين بس مو عارفه السبب وش يكون ؟؟


يارب يارب يارب يفرج على كل وحده ترد علي كانها حمل يهون عليها
وكانها تعبانه يشفيها وكانها مهمومه يفرج عليها وييسر اموووووركم يارب ويسعدكم
ويسخر ازواجكم لكم ...

لاتبخلون علي بنصايحكم بليييييييييز خواتي ..



اعتذر عن الاطاله ..