[ برنامج ال واتس آب ] شرح نهائي ومفصّل + حل لبعض مشاكل البرنامج !

[فديت حبيبي A]

[ برنامج الـ واتس آب ] شرح نهائي ومفصّل + حل لبعض مشاكل البرنامج ! السلام عليكم ورحمة الله وبركاته مساء الخير لكل الحلوين اللي هون كثررررت الشكاوي من البرنامج الأخضر وآتس ولد آب وقررت اجيب هالموضوع ، في هذا الموضوع راح أشرح ( بشكل مفصل ) طريقة استخدام البرنامج ، وبالتحديد راح أتكلم عن النقاط التالية : طريقة تثبيت البرنامج وبعض مشاكل التثبيت + طريقة استخدام البرنامج من دون واي فاي + شرح مفصل لطريقة استخدام البرنامج : رسالة الحالة ، إرسال برودكاست ، إرسال صورة أو فيديو أو صوت + كيفية عمل قروبات + حل لمشاكل التعليق في البرنامج وغيرها من الملاحظات ..! قبل التحميل فيه كثيرين يشتكون من عدم القدرة على تحميل البرنامج أو عدم القدرة على استخدام البرنامج من دون واي فاي ..! عشان كذا قبل لا تحمل البرنامج فيه حاجتين ضروري إنك تسويها ، (1) أولا ، تروح للخيارات بعدين خيارات متقدمة بعدين TCP/IP بعدين تحط صح في المربع اللي فوق جنب : إعدادات APN ممكنة ، وفي الخانة اللي تحتها اللي هي : APN :............................... ^ تكتب جنبها الجملة التالية : إذا كانت شريحتك اتصالات سواء فاتورة أو شحن تكتب : jawalnet.com.sa وإذا كانت شريحتك موبايلي فاتورة تكتب : web1 أما موبايلي شحن تكتب : web2 وإذا كانت شريحتك زين تكتب : zai بعدين رجوع ، حفظ ..! (2) إذا بغيت تحمل البرنامج تأكد إن جهازك غير متصل بالواي فاي !! لأنه إذا حملت البرنامج والجهاز متصل بالواي فاي خلاص ما عاد يشتغل إلا إذا كنت عند الواي فاي ..! وكثير من مستخدمين البرنامج يشتكون من هالمشكلة ولا يدرون إن هذا هو السبب ..! ملاحظة : قبل تحميل البرنامج تأكد إن عندك رصيد 25 هلله يعني ربع ريال لأنه يسحبها عند أول مره تحمل البرنامج ..! طريقة التثبيت بعد ما تسوي الحاجات اللي ذكرناها فوق نجي لطريقة التثبيت وهي سهلة جدا ، أولا ادخل من جهازك على هذا الرابط : http://trading.ta7a.com/85262 بعدين راح تطلع لنا صفحة بالشكل التالي : نضغط على المربع الأخضر ، ملاحظة : أحيانا عندما تفتح هذا الرابط ما يطلع لك المربع الأخضر ، تجيك صفحة انجليزي مكتوب فيها اذهب إلى ( آب وورلد ) اللي هو متجر البلاك بيري ..! الحل : هو إنك تحدّث الصفحة ، يعني تضغط زر الخيارات بعدين تضغط تحديث ، وراح يطلع لك المربع الأخضر ..! المهم بعد ما تضغط على المربع الأخضر راح تجيك الصفحة التالية : نضغط على تحميل ، وبعدين ننتظر البرنامج لين ينتهي من التحميل ، وبعدها راح تلقاه غالبا في ملف التنزيلات أو في القائمة الرئيسية ، بعد ما تفتح البرنامج راح يطلع لك الشكل التالي : تضغط على Accept ، وبعدين راح يطلع لك الشكل التالي : جنب جملة Phone number تكتب رقم جوالك ( من دون صفر ) يعني تبدأ من رقم 5 مع الانتباه إلى إن الأرقام انجليزية لأن البرنامج ما يقبل لو تسجل رقمك بالأرقام العربية ..! وبعد ما تكتب رقمك تضغط على Continue ، وبعدها راح يطلع لك الشكل التالي : تنتظر شوي لين تروح هذي الصفحة من نفسها ، ولو طولت جلست أكثر من عشر دقائق فهذا معناه إن عندك مشكلة ، إما ما عندك رصيد أو الرقم غلط ..! وإذا راحت يبي يطلع لك الشكل التالي : جنب كلمة Name اكتب الاسم اللي تبغاه ، بعدين اضغط أوكي ، وبعدها راح يظهر لك الشكل التالي : تنتظر لمدة خمس دقائق تقريبا وبعدها راح يفتح معك البرنامج طريقة استخدام البرنامج طبعا بعد ما ينفتح معك البرنامج راح يكون بالشكل التالي : عندك فوق أربع أقسام وهي كالتالي : chats هذا تلقى فيه محادثات الناس اللي سولفت معهم ( طبعا بيكون فاضي في البداية لأنك للحين ما سولفت مع أحد ) Favs هذا راح تلقى فيه الناس اللي محملين البرنامج من الناس المحفوظة أرقامهم عندك بالجوال ( اضغط على اسم أي واحد منهم وسولف معاه ) ملاحظة : فيه مشكلة وهي إن القائمة هذي تطلع لك اسم أي واحد سبق وأن حمل البرنامج حتى لو كان حذفه ..!!! يعني لو سولفت مع واحد ولا رد عليك لا يضيق صدرك يمكنه حاذف البرنامج أصلا ! لكن بما أنه سبق أن حمله فيطلع اسمه عندك ..! All هذا ما له فائدة بس مكتوب فيه جميع الأسماء اللي عندك بالجوال . Status هذا رسالة الحالة ، طبعا لما تضغط عليه راح تلقى حالات كثيرة بالانجليزي مثل مشغول أو بالمدرسة وغيرها ، # طريقة عمل رسالة حالة جديدة تروح للـStatus وبعدين تضغط زر الخيارات وتختار New Status وراح يسمح لك تكتب رسالة حالة بطول 139 حرف ..! تكتب الكلام اللي تبي وبعدين تضغط save ، وكل ما بغيت تسوي رسالة حالة جديدة سو هالطريقة ..! أما إذا بغيت تسوي تعديل لرسالة حالة معينة ، تاقف عليها وتضغط زر الخيارات وتختار Edit Status وتعدل الكلام وتحفظه ..! # طريقة إرسال صورة أو فيديو أو صوت افتح المحادثة مع الشخص اللي بترسل له ، وبعدين اضغط زر الخيارات ، واختر Send Picture واختر الصورة بعدين اضغط Send أو للفيديو اختر Send Video واختر الفيديو واضغط Send طبعا ما يرسل الصورة أو الفيديو على طول يجلس دقيقة أو دقيقتين تقريبا أو أكثر حسب الحجم ..! وإذا تبغى ترسل ملاحظة صوتية تضغط زر الخيارات وتختار Send Voice Note وبعدين تختار وحده من الملاحظات الصوتية الموجودة ، وإلا إذا كنت تبي تسجل ملاحظة صوتية جديدة تضغط على أول خيار وهو Recorder وتسجل الكلام اللي تبي وترسله ..! أما إذا كنت تبي ترسل مقطع صوت قرآن أو أنشودة أو شيء ، فلازم تنقل المقطع أصلا لملف Voicenote عشان تلقاه مع قائمة الملاحظات الصوتية وترسله ..! # طريقة إرسال برودكاست تضغط على زر الخيارات ، وبعدين تختار Broadcast message راح يطلع لك الصفحه هذي : في المربع اللي فوق تلصق أو تكتب الرسالة اللي تبغى ، وفي المربع اللي تحت تختار الأسماء اللي بترسل لهم ، والطريقة إنك تاقف في الفراغ وتكتب أول حرف من اسم الشخص اللي تبي وراح يطلع اسمه وتختاره أو اضغط ( صفر ) وتطلع لك كامل الأسماء واختر منهم اللي تبي ، طبعا الاختيار على واحد واحد كل شوي تضغط صفر وبعدين تختار مو مثل دردشة البلاك تختار الكل ، وهكذا لين تحط كل الأسماء اللي بترسل لهم ، وبعدين تضغط Send # طريقة عمل قرووب برضو الطريقة سهله ، تضغط على زر الخيارات وتختار New Group Chat راح يطلع لك الشكل هذا : في المربع اللي فوق اكتب الاسم اللي تبغى للقروب ، وفي المربع اللي تحت اختر الأسماء اللي تبغاهم معك في القروب والطريقة زي ما قلنا تاقف في الفراغ وتضغط ( صفر ) ويطلع لك كامل الأسماء واختر منهم اللي تبي ، طبعا كل شوي تضغط صفر وتختار اسم ، لين تخلص من الأسماء اللي تبي وبعدين تضغط Create وبكذا خلاص يكون القروب جاهز قدامك ..! # إذا بغيت تغير اسم القروب أو تضيف شخص جديد للقروب ، تفتح القروب وبعدين تضغط زر الخيارات ، وتختار Edit Group وراح يطلع لك نفس الصفحة اللي سويت منها القروب عدّل الاسم اللي تبي أو أضف الشخص اللي تبي واضغط Save . ملاحظة : محد يقدر يضيف أي شخص للقروب إلا الشخص اللي سوّى القروب ، + الشخص اللي أضفته للقروب ما تقدر تمسحه !! إلا إنه هو يطلع من نفسه ..! # إذا مسحت القروب يعني وقفت عليه وضغطت ديليت خلاص تطلع من القروب لازم يضيفك مرا ثانية الشخص اللي سوّى القروب ..!! # طبعا إذا أرسلت أي رسالة أو برودكاست يطلع عندك ثلاث أشكال : إما ساعة حمراء أو صح أو صحين زي ما تشوفون الساعة الحمراء يعني البرنامج معلق ..!! # أيضا ملاحظة : عند إعادة تشغيل الجهاز سواء بفصل البطارية أو ضغط ( ألت + شفت + ديليت ) على طول البرنامج يبدأ يتحمل من جديد !!! لكن ما يطلب منك اسم أو رقم أو شيء على طول تطلع لك الصورة هذي : مع ملاحظة إن المحادثات السابقة تنحذف بس القروبات تبقى وهذا الشيء يقودنا إلى موضوع مزعج وهو سالفة التعليق ..!! تعليق البرنامج مشكلة البرنامج هذا مع البلاك بيري راعي مشاكل مهب مضبوط مرا يعني ملحوس يعني أحيانا ماتدري وش قصة أمه باختصار طبيعي جدا إنك تصير مسوي كل هالزحمه اللي فوق وضابط كل الإعدادات وفجأة تلقى البرنامج معلق عليك وفيه مشاكل ما لها حل ..!! طبعا التعليق إما يكون ساعة حمراء زي اللي فوق ، أو تكون حملت البرنامج وأنت مشغل الواي فاي وعلق معك برا البيت أو عندما تسوي إعادة تشغيل ويبدأ يتحمل من جديد تلقاه علق وكتب لك الكلام هذا : أو أي كلام غيره أهم شيء إن الصفحه هذي تطول ما تروح ، أو زي ما قلنا يعطيك ساعة حمراء ويقعد أكثر من عشر دقايق ما حط صح فهذا معناه إنه علق ..! المهم إنه في حالة التعليق ما لك إلا طريقتين : تجرب في البداية تعيد تشغيل الجهاز عن طريق إخراج البطارية وتنتظر إذا اشتغل الحمد لله ، أما إذا ما اشتغل معك بالطريقة هذي فـ ما لك إلا تحذف البرنامج وتعيد تحميله من جديد ..!! طبعا من أسباب التعليق إنك ترسل رسالة طويييله جدا يعني مثلا عشرين سطر أو أكثر ..!! وهذي لها حل مبدئي وهو إنك تطفي الجهاز بشكل عادي من دون ما تطلع البطارية وتشغله ، وإذا ما نفع ما لك إلا الطريقتين اللي فوق ..! ومثل ما ذكرت فوق أحيانا عندما تفتح رابط التحميل( ما يطلع لك المربع الأخضر ، تجيك صفحة انجليزي مكتوب فيها اذهب إلى ( آب وورلد ) اللي هو متجر البلاك بيري ..! الحل : هو إنك تحدّث الصفحة ، يعني تضغط زر الخيارات بعدين تضغط تحديث ، وراح يطلع لك المربع الأخضر ..! ) وبكذا نكون انتهينا من شرح البرنامج نشوفكم على خير