نزول المشيمة

[نور من نور]

السلام عليكم ورحمة الله وبركاته
كيفكم يااخوات
شخباركم واخبار الحمل معاكم
انا حامل في الاسبوع الرابع عشر وحسيت بألم تحت السرة قبل كم يوم
ورحت المستشفى وسوت لي سونار..طلع عندي المشيمة نازلة
بس قالت الي لاتوقفي كثير وعطتني جل امسح فيه حول السرة علشان الالم
ناس يقولوا لي المفروض ان ماأتحرك لحد ماترجع ترتفع المشيمة ولاانزل درج ولااركب سيارة..وو ..وكل وحده تقول لي شي بس الدكتورة مرة ماقالت لي غير لاتوقفي..

الله يجزاكم خير ويطمن قلوبكم الا عندها اي معلومة عن الموضوع تقول لي
مع العلم ان هذا الحمل الثاني اللي واجهضت الاول في 4 اسابيع واستخدم من بداية حملي هذا دفستون بس قالت الي اخلص الا عندي واوقفه

نصايحكم ترى وربي خااااايفة

[يارب ترزقني بطفل أضمه]

هلا قلبي الله يتمم حملك يالغلا اختي كان عندها نزول وكانت ترتاح وترفع رجولها شي بسيط والحمدلله جابت بنوته قمر انتي ارتاحي اسبوع مانصجك بالدرج والله يتمم حملك حياتي
قلبي الموضوع ينقل لدردشة حوامل فديتك

[يارب عفوك]

ارتاحي صح كلام اللي قالو لك مو شرط تقول لك الدكتوره يعني

يمكن نست

بس انتي لاتوقفي كثير ولاتصعدي درج

وصديقتي كان عندها نزول وتحط وساده رفيعه اشوي تحت رجولها وارتفعت بالشهر الثامن

انتبهي ع حالك

[demoshka]

حبيبتي لازم ترتاحي وتتجنبي الاماكن المزدحمة والجلسة بين الاطفال كرمال ماحدا يصيب بطنك بالغلط ويصير معك نزيف لاسمح الله


وانا مستغربة ليش الطبيبة ماعطتك علاج للمشيمة


وسلامة قلبك

[نور من نور]

يارب ارزقني بطفل اضمه.. يارب عفوك ..تؤام كوكو
شكرا حبيباتي ماقصرتوا والله يثبت حملكم يارب ويسهل امركم
بس تؤام كوكو هل فيه علاج للمشيمة؟؟ هي عطتني جل بس؟؟

لاتنسوني من دعواتكم

[7lm]

انا مثلجـ حبيبتيـ
لكنـ صايره وااايد اوقف واروح واجي
الحمدلله كل شي تمام لحد الحين
الله يتتمم حملج على خير

[دلع]

اهم شي الراحه واعتقد مالها علاج الا انك تريحي نفسك عالاخر وماتوقفي ولا تتحركي كثير..

[♥ RoRo ♥]

لا تخافين قلبووووو كثير أعرف تنزل معاهم بس اللي المفروض تسوووينه
تنامين ع ظهرك وترفعي رجولك واتركي الشغل شووي هذ1 علاجها وكلها فتره وتعدي ..
والله يطمن قلبك ..

[رحلة عمر]

حبيبتي توكلي على الله
والدكتورة مو كل شي بتحكيلك عنو متل الراحة وغيره لانهم بيعتبروا انها الوحدة بتعرف هاي الاسياء بدون نصيحة
المهم انصحك بالراحة وتحطي وسادة خفيفة تحت رجولك وما تتعبي ولا تتطلعي درج وبعد اسبوع راجعيها
بس لازم اعطتك متبت حمل غير دفستون لانه هذا بتاخذ اول تلات اشهر وبعدين يوخذ علاج متبت غيره وما تنسي اختي تجنبي الجماع في هذه الفترة
الله يقيمك بالسلامة

[تذكار]

لاتخافين هذا شي عادي راح ترتفع بإذن الله

بس ارفعي رجولك دائما على وساده مرتفعه شوي

وربي يتمم لك على خير