قصة ولادتي للصبايا صفر

[دلوعتي]

اول شي كان عزاء حماي الله يرحمه يوم ثالث منه كنت تعبانه شوي من الجلسة ولا نمت الا الفجر بعدها جاني نزيف دم وماء واقول حق زوجي كان تعبان ولا نام الا بعد الصلاة يقول لي روحي نامي ويخف الالم انا لاني بكريه ماعرفت ان هذا الالم طلق بس كنت اعرف انه مو زين دائم نزل ماء ودم الى ماصارت الساعه 8 وانا اجلس في ابو الشباب وهو يصرفني بعدها زاد الالم وقام وداني بس دخلت المستشفى بديت ارجع تعبت من الترجيع على طول تنويم بس كان فاتح واحد ونص بس صعدت بدء الالم يزيد وكل شوي فحص خلاص تعبت وانفجر كيس الماء وانفتح على طول غرفة الولادة وانا اتالم والدكتورة فلبينيه تقولي يالله ادفعي خلاص الراس باين وادفع كنت ميته تعب مواصلة مانمت ولا اكلت شي وكل شوي ارجع واصارخ من الالم والدكتورة تقولي سكري فمك وانا اسمع الكلام بعد اسكت خايفة تستفرد فيني من كثر ماسمعت قصص عنهم بعدها حسيت روحي بتطلع مع طلعت الراس شوي واو واو طلعت بنتي اخيرا ونسيت الالم يوم شفتها فديتها صغنونه وتركوني شي ساعه وجاء الدكتور يخيطني انقهرت ماحد قالي ان رجال بيدخل اتوقعت حرمه تخيطني سكت وانا منقهرة لانه كان سعودي زود الطين بله واصارخ لسا من الالم واني منحرجه وسئلني اذا كنت احس بالابرة قلت اييييييييييييييييييييي وزود البنج لي وصعدوني بعد شي 3 ساعات كانت مرة المستشفى زحمه حالات ولادة كثيرة وزوجي ينتظرني برا وصعد معي بس دخلوني الا بنتي ترجع ولاتقدر تاخذ نفس عورت قلبي وطيران الى الدكتور وزوجي وراهم ماشافها مسكين ونزلوها بعدين الحضانه والصبح رجعوها الحين باقي علي كم يوم واطلع من الاربعين احساس الامومه حلو الله يرزق كل محرومه يارب ويحفظ لي بنوتي يارب العالمين
وسلامتكم