الاستقبال والتجهيزات والنفاس ؟؟

[مايسه حجازي]

السلام عليكم يا مامات المستقبل

كيفكم , يارب تكونو باحسن حال انتو والبيبيات

دا اول بيبي وطبعا ما اعرف شي عن النفاس والاستقبال والتجهيزات وكدا وحابة استشيركم

اول شي من اول ما اعرفت انها بنت وانا كل ما اروح السوق واشوف شي بينك اقول ابغاه فيعني ياريت لو احد من المامات الخبرة يقولي ايش لازم اجيب بالزبط واي مقاس يعني الاساسيات وكدا

تاني شي انا بفكر بعد الولادة على طول ارجع على بيتي وعندي خدامه تساعدني والاشياء الي احتاجها اجهزها من دحين و كمان عشين زوجي شغلو سفر بالايام وهيك واحس صعب يرجع ويلقى البيت فاضي فايش تشوفو

وكمان محتارة استقبل بالبيت ولا بالمستشفى
يعني ازيد يوم على اليوم الي مفروض انام في المستشفى واستقبل فيها وخلاص ولا اكمل استقبال بالبيت , لانو انا بصراحه ما اعرف ناس كتير وما اتوقع كتير حيزوروني خصوصا ببيتي غير اهلي واهل زوجي وبس


كمان بالنسبه لاشيات النفاس الي بيبيعوها التاجرات تنصحوني بيها ولا خليني ع الطبيه وبس

معليش طولت عليكم وحكيت قصة حياتي بس لانو مامتي واختي كل ما اسالهم بيقولو لي اعملي الي بيريحك وانا بدي احد ينصحني وبس

مره شكرا مقدما