الاستغفار حل مشكلتي مع زوجي

[آحسآس آنثى]

مساء | صباح
الخيرات
اخباركم صبايا

قبل سنه و بشهر رمضان حصلت لي مشكله مع زوجي و كنت حامل بشهر المهم ظربني و كان يبي ينزل الجنين طبعا انا مستغربه لان هو كان دايم يقول نبي طفل ثالث و انا اللي ارفض او بالاحرى ماكنت مستعده للحمل
المهم هو قال مابيك طبعا اتصلت بابوي وبعد ماتصلت وقلت له ارسل اخوي يجي ياخذني بعدها زوجي ندم على فعلته و دخل علي بالغرفه وانا ابكي بصوت عالي جاء و ضمني تآسف و حاول اني اجلس بالبيت لاكن ماقدر لو بتصل علي ابوي بيهاوشني المهم جاء اخوي و وعدني يرجعني بعد كم يوم و ابوي رفظ اني ارجع لزوجي جلست عند اهلي يومين كلمني زوجي قال بجي اخذك قلت اوك ابوي كان بمكه كلمته رفظ و عصب و قال لو تطلعين من البيت ياويلك حاولت اهدي ابوي لاكن قفل بوجهي جاء ابوي قبل زوجي واول مادخل البيت جاء عندي و طلب الجوال انا رفضت جاء ابوي بيضربني رميت الجوال اخذ الشريحه
ورمى الجوال بوجهي جاء زوجي الصباح اخذ ينادي على ابوي او اخوي لاكن محد راضي يطلع له زعل زوجي ومشي كان يتصل على ابوي وامي و اخوي محد يرد عليه راح زوجي لخالي و كلمه جاء خالي وحاول في ابوي لاكن رافظ والله يبنات ماكنت ادري بهذا كله الا بعد مارجعت لزوجي ابوي اصلا ماكان يكلمني و كان انا و زوجي مجرمين المشكله امي وابوي كانت حياتهم مشاكل و ومافي واحد بالعيله الا تدخل بمشاكلهم المهم كنت اكلم زوجي خفيه بجوال اخوي الصغير كان يكلمني بجفا و مره قلت له دامك ماتبيني طلقني انا ماقدر اعيش مع واحد يكرهني و قفلت الجوال و بعد ساعه فتحته الا متصل اكثر من 10 مرات و بعدها ارسل مسج بانه يحبني بس هو اعصابه كانت مشدوده و فعلا هو كانت حالته حاله دوااااااام الى 4 العصر و ماينام و مصاريف بيت مو قادر عليها و الوظيفه ماهي ذاك الزود
المهم طنشته فتره طويله وبعدها كلمته و قال لي اذا مبترجعين قبل الحج انا بتزوج انا هنا انهرت نفسيا والحمل متعبني المهم قلت كيف ابوي قال ابوك مابيرجعك الا بعد ماتولدين يعني بعد 7 شهور انا انصدمت ابوي يلعب في و حتى رايي ماخذه لهدرجه قال زوجك مافي غير انتي تكلمينه و فعلا صرت ارسل مسجات لابوي بآني برجع لزوجي واني تعبانه و ابوي ساكت
و بهالفتره صرت استغفر في اليوم 100 مره و اكثر ادعي بين كل اذان لصلاه و في سجودي بصلوات المكتوبه و اصلي بالليل و ابكي و ادعي و قبل مارجع لزوجي بيوم صليت اخر الليل و انا بسجودي قلت يارب ان كان فعل ابوي يرضيك لاتردني الا بعد الولاده و تحفظ زوجي و تصبرني و تصبره حتى ارجع له خلصت و اذن الفجر صليت و نمت و الظهر صحيت الا زوجي يتصل على جوال امي رديت قال اليوم بجي قلت اوك ارسلت لابوي و هو بداومه اني برجع و ان كنت تحبني اتركني ارجع لبيتي اولادي محتاجين ابوهم وانا محتاجه الراحه ارسلت المسج رتبت اغراضي و كنت فرحانه نمت للعصر جاء ابوي و قال لاخوي الصغير اختك فين قال موجوده قال قولها تروح بس لاتجيني تشتكي مره ثانيه لو يذبحها مالي شغل فيها جاء زوجي و اخذني قال زوجي انسيهم وحتى لو بتروحين لهم ساعه و ترجعين لهم انا كنت خايفه من ابوي مايتقبلني لاكن من اول زياره دخلت بيت اهلي و ابوي كان جالس و يوم شافني ابتسم و سلم علي و لا كآن شي صار
اوصيكم باالاستغفار والله مفعووووله عجييييب