أحلى شيش طااووق home made وصدق شغل البيت لا يعلااا عليه

[سيناتورة]

السلام عليكم ورحمة الله وبركاته
تحياتي يا الغاليات على قلبي
اشلونكم انشالله انكم بخير وعافيه
نبتدي يا حلوات..يلااا نبتدي..
صدور دجاج المجمده خليناها تفك من الثلج وغسلناها عدل وقطعناها مكعبات بحجم متوسط ونقعناها بهالخلطه المكونه من الآتي:
4ملاعق الصويا صوص
عصير ليمونه
روب واحد
فلفل اسود وكثري منه للنطاعه
ملعقة أكل كركم
شوية بهارات مشكله
وشوية هيل مطحون عن الزفره
ومكعب ماجي
وشوية كزبره مطحونه وكمون
وملعقتين خل
وكثر ما تزيدين في تنقيعهم بالخلطه كل ما كان الطعم مركز..وآنا خليتهم يوم كامل بالثلاجه..وانتي حاولي ان ما يقل عن 4 ساعات وديري بالك اذا حطيتي الملح لا تكثرين لإن أغلب مكونات الخلطه مالحه او حامضه.
ولما جهزوا شكيناهم بالاعواد الخشبيه اللي كنت حاطتهم شوي بالماي علشان ما يحترقون وحطيت قطع الدجاج وقطع البصل والفلف الأخضر البارد والطماط.
ودخلتهم بالفرن بصينية لمده ساعه إلا ربع لإن الدجاج يكون شبه مستوي من الخلطه اللي نقعناه فيها ونحاول بهالمده اننا نقلب الدجاج بالفرن علشان يتحمش ويتحمر.

هني يوم دخلناه الفرن







ويوم استوى غمتناه ببايركس التقديم ربع ساعه علشان يطرااا ويصير ترف




وصااار جاهز للأكل














وعليكم بالعافيه حبيباتي...وهالله هالله بالردود اللي تبرد القلب