مشكلتي مع امي

[منوول]

السلام عليكم ورحمة الله وبركاته
كيفكم ي حلوات
اممم انا مشكلتي مع امي
دحين امي عصبيه شويتين
واربع وعشرين ساعه تصارخ عليا
عاد هذي امي فديته ماازعل منها
بس مشكلت امي حتى امام اقاربي اخواتي اخواني زوجي اهل زوجي امام الكل تصارخ عليا وع اشياء تافه واحيانا ع الفاضي بس تبدى تصارخ
واللي زاد الطين بله انو في وحده من جنسيه عربيه امي تعرفها من 3 سنين حوالي
لما تعرفت علينا جات خطبتني لولدها بس انا رفضت وكل اهلي رفضو وحتى ابويه
اول شئ عاداتنا وتقاليدنا ماتسمح انو البنت تخرج خارج العائله وغير كذا مو سعودي وولدها متزوج وعنده 3 اطفال وانا صغيره جداوبعدها بفتره انخطبت وتزوجت ودحين حامل بس المصيبه كل ماتجيي لازم تقول لامي انو انا مااساعد الخدامه بالبيت ولا اسوي حاجه وبس ماسكه الجوال وبس اقعد مع البنات وكذا وربي انا كرهتها الحرمه ذي ..وقبل كم يوم كان عندنا عزيمه المهم انكسرت المغسله حقت المطبخ وانا قلت لذي الحرمه قلت لا تغسلي شئ لانو مكسوره تقول لي طيب بس لما خرجت كانت تفتح المويه بعد ربع ساعه كدا جيت بدخل المطبخ كنت حـ اطيح عصبت وقلت لامي جات امي وتسب فيني وتقول انتي ماتستحين ايش تبغي فيها هوا بيتك وانتي وانتي قلت كنت بطيح ولو جاو الاطفال وطاحو ايش يسير تقول احسن لو تطحين وتتركي اللقافه وتصارخ باعلى صوتها ورمت عليا الجزمه انقهرت وبكيت واتصلت ع زوجي ورحت بيتي ..ليا 3 ايام ماكلمتها قلت لها ي انا ي ذي الحرمه تقول لا اختارها وانتي انقلعي ...الخ ,,دحين مو عارفه ايش اسوي تعبت وربي تعبت وسرت استحي اروح او اكلم احد احس مالي شخصيه ابدااان واحس اني مكسوره