أبي رايكم و أقتراحكم في وضعي ...!!!؟؟

[مشاعل الدوسري]

السلام عليكم و رحمة الله و بركاته


الموضوع
أبتدت من بعد الشهور الاوله للزواج
تزوجت من رجل كان له تجربه بلزواج
لمدة 4 سنين و عنده ولد
تقدم لي و وافقت
بعد ماعرفت أسباب الطلاق
اللي هي انها ماتصلي اله بين فتره و فتره
و نفسها شينه
و بيتها دايم وسخ
طلباته كانت جدا بسيطه و عاديه بلنسبه لي
أولا:الصلاه ثانيا:أهتم بولده ثالثا: بنظافة البيت و النظافه الشخصيه
رابعا:الصبر و الروح المرحه

المهم مااتذكرهم كلهم لكن كانت أشياء عااااديه

أنا بطبعي بلبيت نظيفه و أحب الأهتمام
و مااحب أنام و البيت فيه شي وسخ
أتضايق و الصلاه الحمدالله و الاطفال متعوده عليهم
ووووووووووووووووووووو الخ

ماابي امدح نفسي لكن كل اللي كان يدوره كان فيني...

بأيام الملكه كانت لحظة تعارف و كانت حلوه
بعد الزواج الصراحه ماترقعنا 6 شهور و أنا مسدوحه من العين
تعب معاي لكن مع كل هذا التعب ولده كان عندي
و ما تشكيت منه كانت حرارتي 40
و انا أصحى له أرضعه و اغطيه و اغير حفايظه و الخ...
ماتشكيت رغم التعب لان الولد ماله ذنب بلتعب اللي انا فيه
المهم الحمدالله بعد ماقراء علي الشيخ ارتحت
و انفكت العين مني
و زوجي كان تعبان معاي و حالته حاله
بيوم من الايام عزمني بلمطعم و شكرني
و قالي ماكنت اتوقع انك تهتمين بولدي و
انتي تعبانه وحده غيرك بتقول الاهم نفسي
وده لاهلك
الصراحه بذيك اللحظه انحرجت و بغيت ابكي
و قلت له ولدك ولدي مافي شي يخليني اقول ماابيه
لانه طفل ماله ذنب اعامله بقسوه
لا على شانك و لا على شان حد غيرك
وووووووووووووووو
عدت الايام و الرجال يستغرب من تصرفاتي بلبيت
مع انها عاديه
البيت نظيف و العشاء جاهز و حلى و انا كاشخه

بعد مااكل الحلى قالي أمريني شبقيتي
طبعا انا كنت ماسكه الصحن و قاعده اكل الحلى
و قاعده احاول اتذكر
اذا انا طلبت منه شي وله لا
فا قلت له ليه تقول كذا قالي
البيت نظيف و كل شي مرتب و عشاء حلو و حلى
و كاشخه أكيد تبين شي
طبعا زعلت بس ماقلت له قعدت اضحك
و قلت الحمدالله و الشكر
خلاص المره الجايه قبل لا اسوي لك كل هذا
بفكر بشي اطلبه
و قالي لان طليقتي كانت لما تسوي كل هذا تبي شي
يا فلوس او اني اجامعها

طبعا انا كنت متفقه معاه انه مايقول اي شي يخص حياته اللي قبل
لكن الاخ زل لسانه
و طبعا قعد فتره طويله يقارن بيني و بينها بأني اعرف
و هي ماتعرف اسوي شي و هي ماتسوي
و هي ماتهتم كان هذا الشي يضايقني
بس قلت اصبر ان الله مع الصابرين

الرجال يشتغل 9 ساعات يعني يرجع البيت تعبان
بعد ساعه يطلع و يروح للنادي كل يوم ساعه
او ساعتين يعني يفضى الساعه 8 المساء

انا ماعلقت على نظام حياته مشي كل هذا
الرجال مو عاملي حساب ناسي اني في مؤنثه بلبيت
معاه
مهما سويت مايعرف الرجال يعبر و يستحي

هدايا و اهديت و ليالي ضبطت و مفاجأة سويت

مانفع معاه بعدين بديت بلتلحين
يعني المح له كيف يهتم اذكره بأشياءه و اشياءه
و هيك مانفع
و صار اللي صار و حملت

و يوم جيت اقوله اني حامل

و لا اي ردة فعل

انا مبتسمه و اتدلع و اتقصع

قلت يله بكره اللي بعده بيحس
بعد شهوووووووووووووووووووووور لما دبتي بانت
قالي مو مستوعب انك حامل

و هو يضحك اقوله مبسوط يقولي ايه مبسوط
بس مو باين عليه

اقول يله يمكن انا غلطانه
و ربي مو مهتم فيني و انا حامل الحين بلشهر الثامن

و طول فترة الحمل ماسوى شي يملا عيني
و لا فرحني بشي و لا سوى شي يبسطني اقوله اهتم فيني
يقولي
تبيني ابين لك الفرق بين الاهتمام
و السفط
اقوله وين اهتمامك 9 ساعات بلدوام و ترجع تنام ساعه و تطلع ساعتين
لما ترجع مااقدر اقعد معاك لان ماابي اضغط عليك
و لا ابي افتح لك مواضيع يطول فيها النقاش بوقت راحتك
المهم زعلت و تضايقت

وهو ولا راضي يعترف بأنه مقصر

أخذ اجازه أسبوع

من قبل لا يأخذ اجازه قلت له حبيبي ممكن اطلب منك طلب
قالي امري
قلت له مايامر عليك عدو انشالله ابي يومين بس
قالي يومين ايش
قلت له انت بتاخذ اجازه اسبوع انا ابي لي يومين نكون فيهم مع بعض نطلع نغير جو و نكون فيه لوحدنا نروح لشاليه نسافر شرايك
قالي و لا يهمك
بس يومين لك الاسبوع كله
المهم ولا نص يوم صار لي


سفطني سفط اليم حز بخاطري و تعبت لان فوق كل هذا انا حامل

مدري ايش اسوي مع الرجال

المشكله اني حامل و صعبه الحين اطلب الطلاق
و مستحيل اطلبه لان تعلقت بولده و و في بطني ولده الثاني

مدري ايش اسوي معاه...............
أنا صابره و ربي شاهد علي
ماشكيت عند اهلي و لا شكيت عند اهله
ابد

لكن تعبت الانسان له طاقه
و محتاج ياخذ زي مايعطي
و الله المستعان انا اقول يمكن بعد مااولد يتغير باقي شهرين و اولد و اشوف شنو يصير من تغير...

ادعو لي...الله يصبرني و يقومني بلسلامه