حامل في اخر الخامس ومش عارفه ايه اللي بيجرالي ده

[just baby]

السلام عليكم ورحمه الله وبركاته
ازيكم يا قمرات اخباركم ايه
يارب تكونو بخير ان شاء الله

معلش انا عارفه اني تعباكم معايا بس انا ماليش غيركم بعد ربنا
دلوقتي انا المفروض كلها 5 ايام ان شاء الله وابدا الشهر السادس

ومن تقريبا اول الخامس وانا بيحصلي حاجات بالنسبه ليا غريبه لان ده اول حمل ليا ومش فاهمه حاجه
اول حاجه ايدي ورجلي و وشي ورامين ساعات بحسه ورم خفيف وطبيعي وساعات لا مش طبيعي خالص
لدرجه ان من يومين صحيت وشي وايدي و رجلي ورامين جدااااااا وفيهم تقل وحراره غريبه والدبله بتاعتي رغم انها واسعه عليا اصلا لقيتها ضيقه اوووووووووي ومكنتش عارفه اقلعها قلعتها بالعافيه من ايدي لاني حسيت دمي محبوس وفضلت كده لتاني يوم لحد لما بدأ وشي وايدي ورجلي يهدوا شويه وكمان دقات قلبي بتكون وقتها سريعه جدااااااااااااا ونفسي زي المكتوم او بتنفس بصعوبه

فا مش عارفه ده طبيعي ولا ايه

تاني حاجه بقي
برده ده من اول الخامس وانا بيجيلي دوخه غريبه اوي
لاني اصلا من اول حملي مكنتش بدوخ خالص غير حاجه بسيطه اوووي
المهم الدوخه دي بحسها مش طبيعيه خالص لانها بتكون جامده جداااااااااااااااااااااا وبحس ان عقلي زي التايهه واني هيغمي عليا وبفضل كده بالساعتين والتلاته لحد لما ابدأ افوق برده مش عارفه ده طبيعي ولا ايه

علي فكره يا بنات انا مش باكل حوادق خالص لاني مش بحبها
وكمان اكلي طبيعي للي ممكن يقولي ان الدوخه بسبب هبوط وقله الاكل


ياريت بجد تطمنوني لان قلقانه اوووووي ولسه معادي عند الدكتوره يوم الحد ان شاء الله
جزاكم الله خير