كان وزني 123 وصار 58.....قصه معاناتي

[أموره منوره]

السلام عليكم ورحمه الله وبركاته
كيفكم حلوات
ما ابغا اطول عليكم
بس حبيت اشارك معكم واكتب لكم قصتي مع الوزن وكيف تغلبت على اكبر مشكله في حياتي
المهم
كان وزني قبل الزواج 54
وطبعا كان زوجي بينهبل عليه
ومع اول حمل طلع وصار 100
تخيلوا كيف صارت نفسيتي
وطبعا دخلت ولاده وجسمي منفوخ وتعبت مره في الولاده بسبب الوزن
وبعد الولاده حاولت انزل وزني وصار 80
وتوني مبسوطه
ويافرحه ماتمت .....حللت وطلعت حامل !!
وزاد وطلع 130 !!
بجد صرت كني بلونه وشكلي ما ينعرف من قدام ولا من ورا
وبعد الولاده نزلت وصار 123
وشديت حيلي وبدات رجيم وتمارين وصيام
وجننت نفسي
طبعا نفسيه زي الزفت لانه شكلي مره اختلف ولا صرت اخذ راحتي في اللبس
وزوجي يقولي شوفي صورك كيف كنتي
وكنه متحسف على شكلي الحالي
وطبعا هذا الشي اعطاني عزيمه واصرار
وبعد سنه صار وزني 70
وكملت على التمارين والصيام لين نزلت ووصل 61
وجلس وزني ثابت مده 3 سنوات
وحملت وحاولت انه مايزيد وزني وسويت حميه خاصه بالحمل
والحمد لله مازاد رحت اولد ووزني 78
وبعد الولاده على طول كملت رجيم وحميه وصيام بس خساره ماقدرت ابدا تمارين لانه اخر ولاده كانت قيصريه وعمليتي اعاقتني عن التمارين
بس الحمد لله بعد عزيمه واصرار وصلت لوزني 54

تخيلوا بعد 8 سنوات لبست ملابس زواجي
كانت كلها جديده في الدولاب
لين لبستها
وربي زوجي ماصدق اني لبست فستان ملكتي وتفاجاء
والحمد لله انا حامل ووزني الحالي 58 ونفسي اولد وهو ثابت على كده وبعد الولاده بنزل بس الزياده وارجع اخذ راحتي زي قبل في اللبس
وربي الصحه نعمه
احس نفسيتي ارتاحت كثير بعد نزول وزني وثقتي صارت تمام واخذ راحتي في كل شي
واهم حاجه زوجي احم احم
مره مبسوط مني
والحمد لله على كل حال
اتمنى ماطولت عليكم بس حبيت اشارك معكم
وكل شي بعد ارادته ربنا والعزيمه والاصرار يتحقق
بس هو يبغالها شويه وقت
وربي يبلغ كل وحده حلمها في تحقيق الزون المرغوب والجسم الحلو