ألله يخليكم لا تتركوني انا بحاجتكم بعد الله

[نغمة حزن]

السلام عليكم ورحمة الله وبركاته:

كيفكو؟؟
صبايا انا بحيره كييييييييييييره وعئلي وئلبي مشتتين وبفكر كتير
بس مو عارفه شو القرار الصح او اللي لازم اتخدو والله يوميا بستخير وبفكر وبقرأ سورة يـــــــــس وبنام وبدعي الله انو احلم او شوف رؤيه او حس ب شي
انا نفسيتي تعبانه حبيت أستشيركم وتفيدوني بحكم مرت عليكو هالتجربه من قبل
انا اتئدملي شب وحكو اهلو مع اهلي بس انا في بلد وهوا من بلد وهدا الشب كنت ع معرفه معو من وئت الجامعه وبين مشاعر متبادله بس طبعا الحمدلله اهلي واهلو كان بعرفو انو في بينا علاقة حب وصداقه يعني الحمدلله كنت واضحه ئدام رب العالمين ئبل الناس وهوا متعلم متلي وماشالله عنو مهندس واكبر مني ب سنه
بس المشكله انا فيي لمن اجى وقت اني احكي اه او لا حسيت بخوف وتردد اول مره حس فيه
وخايفه كتير اتغرب عن اهلي وانا عايشه بالخليج وهوا بالشام بس خايفه من حالي عليه خايفه مااتكيف ومااتحمل عيشة الشام مع اني ع طول بروحها بس زياره مو اعيش فيها
وحكيتلو هاي مشكلتي حكى بطلع عندك ع الخليج وبابا حكى رح يزبط موضوعو ويحاول ادبرو شغل بالخليج وعند اهلي بس مو مضمونه لانها حسب امكانيات بابا
وفي شي تاني انو عندو البهاق بس خفيف جدا عليه وانا شفتو ع ايدو عادي بس مو متل اللي بيجو ع تلفزيون الله يشفيهم يارب ويعافينا هوا ثابت عندو ومو منتشر اكتير
وحكيتلو انو ممكن مااتحمل نفسيا هالشي حكالي انو رح يتعالج منو بالليزر بس لئدام لانو مكلف العلاج
وحكالي انو بعرف هالشي ممكن مااتحمل لانو هاي نفسية انسان وصعب اجبر حالي ع شي ف حكالي انو رح يوريني اللي ع جسمو ئبل مانكتب الكتاب وسالنا شيخ وانو هدا حقي

انا في غيرو اتئدملي بنفس الوئت ومن عنا بالخليج وماشالله متعلمين واللي هلا اتئدملي دكتور بس انا رفضتو شان اللي ئلبي ميال الو يعني ئلبي ميال للمهندس بس فيي خوف وتردد كتير من المستقبل وهوا بعرف اني بدي استخير وفكر وحكيتلو كل هاي المشاكل والي بحس فيه وحكالي حئك تستخيري بس اترجاني مااتخلى عنو وانو هوا رح يضل متمسك فيي لاخر لحظه وانو مارح يعيش من دوني وانا حاسه ومتاكده من حكيو هوا متعلئ فيي بشكل مو طبيعي بس انا خايفه من حالي انا

وانا جد متررده كتيييييييييييييييييير انا والله كل صلاه وادان بدعي الله ايبيض نصيبي ويبعتلي الخير بس فيي خوف مع اني متوكله ع الله

بس بدي نصيحة كل وحده خطبت واتجوزت الله يخليكم لا تتركوني وانصحوني
مامعي الا اسبوع بابا حكالي بعد اسبوع لازم احكي يا اه او لا

انا اسفه طولت عليكن بس بحلفكن بألله انو تدعولي ولا تبخلو عليي بالنصيحه والمشوره اعتبروني اختكم انا جد بحاجتكم بعد الله

والله يجازي كل وحده اهتمت فيي بالخير يارب